Post Office Schemes : पोस्ट ऑफिस कडून प्रत्येक वर्गासाठी अनेक योजना राबवल्या जातात. गुंतवणुकीच्या दृष्टिकोनातून, पोस्ट ऑफिसच्या लहान बचत योजना ग्रामीण आणि लहान गुंतवणूकदारांमध्ये खूप लोकप्रिय आहेत. सरकारने अल्पबचत योजनांतर्गत समाजातील सर्व घटकांसाठी योजनाही आणल्या आहेत. आज आम्ही अशाच काही योजनांबद्दल सांगणार जिथे तुम्हाला चांगला परतावा मिळत आहे.
पोस्ट ऑफिस स्कीम अंतर्गत विविध विभागांसाठी ऑफर केल्या जाणार्‍या काही योजना खालीलप्रमाणे :-
– मुलींसाठी, सुकन्या समृद्धी योजना.
-महिला गुंतवणूकदारांसाठी, महिला सन्मान योजना.
-ज्येष्ठ नागरिकांसाठी, ज्येष्ठ नागरिक (SCSS) योजना.
-दीर्घकालीन गुंतवणूकदारांसाठी, पीपीएफ, केवायसी, एनएससी योजना.
-अल्प मुदतीच्या गुंतवणूकदारांसाठी, मुदत ठेवी आणि आरडी.
कोणत्या योजनेत सर्वाधिक व्याज आहे?
सरकार दर तिमाहीत लहान बचत योजनांच्या व्याजदरांमध्ये सुधारणा करते. या तिमाहीसाठी, ज्येष्ठ नागरिक बचत योजनेवरील कमाल व्याजदर ८.२% आणि सुकन्या समृद्धी योजनेवर 8% आहे.
व्याजावर टीडीएस
पोस्ट ऑफिस अनेक दीर्घकालीन आणि अल्पकालीन गुंतवणूक योजना ऑफर करते. तथापि, या सर्व गुंतवणूक योजना करमुक्त नाहीत. उदाहरणार्थ, काही पोस्ट ऑफिस योजनांवर दिलेले व्याज करपात्र आहे आणि आयकर कायदा, 1961 चे कलम 80C वजावटीला परवानगी देत नाही.
टीडीएस म्हणजे काय ?
टीडीएस म्हणजे टॅक्स डिडक्शन अ‍ॅट सोर्स. Source म्हणजे उत्पन्नाचा स्रोत आणि Tax Deducted म्हणजे या स्त्रोतामधील कर कपात. उत्पन्नाच्या स्रोतावरच जेव्हा कर कापला जातो तेव्हा त्याला TDS असं म्हणतात. म्हणजे उत्पन्न जिथून मिळणार आहे, तिथेच हा कर एकूण उत्पन्नाच्या रकमेतून कापला जातो आणि उत्पन्नाची उरलेली रक्कम हातात मिळते. कापला गेलेला हा कर सरकारच्या तिजोरीत जमा होतो.