Post Office Vs Banks : पोस्टामध्ये बचत खाते उघण्याचे जबरदस्त फायदे; बँकापेक्षा मिळत आहे जास्त व्याज !

Post Office Vs Banks : लोक सहसा बँकांमध्ये बचत खाते उघडतात, पण तुम्हाला माहिती आहे का? पोस्ट ऑफिसमध्ये देखील बचत खाते उघडण्याची सुविधा दिली जाते. तसेच पोस्टामध्ये बचत खाते उघडण्याचे अनेक फायदे आहेत. आज आपण पोस्टाच्या बचत खात्याचे फायदे सविस्तर जाणून घेणार आहोत. चला तर… 

पोस्ट ऑफिस बचत खाती अनेक मोठ्या बँकांपेक्षा चांगले व्याज देतात. याशिवाय पोस्ट ऑफिस बचत खात्याचे अनेक फायदे आहेत. बँकामध्ये बचत खात्यावर मिळणारे व्याजदर हे पोस्ट ऑफिसपेक्षा खूप कमी आहे, तसेच इथे पोस्ट ऑफिस इतके फायदे देखील इथे मिळत नाही. अशातच तुमच्यासाठी कुठे बचत खाते उघडणे अधिक फायदेशीर ठरेल चला जाणून घेऊया…

पोस्ट ऑफिस की बँक

पोस्ट ऑफिस बचत खात्यावरील व्याज: 4.0%
SBI बचत खात्यावरील व्याज: 2.70%
PNB बचत खात्यावरील व्याज: 2.70%
BOI बचत खात्यावरील व्याज: 2.90%
BOB विंग्स खात्यावरील व्याजः 2.75% ते 3.35%

पोस्ट ऑफिस सुविधा

बँकेप्रमाणेच तुम्हाला पोस्ट ऑफिस बचत खात्यावरही अनेक प्रकारच्या सुविधा मिळतात. खाते उघडल्यावर तुम्हाला चेकबुक, एटीएम कार्ड, ई-बँकिंग/मोबाइल बँकिंग, आधार लिंकिंग इत्यादी सुविधा मिळतात. याशिवाय, तुम्ही या खात्यावर सरकारद्वारे चालवल्या जाणार्‍या अटल पेन्शन योजना, प्रधानमंत्री सुरक्षा विमा योजना आणि प्रधानमंत्री जीवन ज्योती विमा योजनेचा लाभ देखील घेऊ शकता. याशिवाय, पोस्ट ऑफिस बचत खाते किमान 500 रुपयांमध्ये उघडता येते.

खाते कोण उघडू शकते?

कोणतीही प्रौढ व्यक्ती पोस्ट ऑफिसमध्ये खाते उघडू शकते. याशिवाय दोन लोक त्यांचे खाते संयुक्तपणे उघडू शकतात. अल्पवयीन व्यक्तीसाठी खाते उघडायचे असल्यास, त्याचे पालक किंवा कायदेशीर पालक त्याच्या वतीने खाते उघडू शकतात. तर 10 वर्षांवरील अल्पवयीन व्यक्ती स्वतःच्या नावाने खाते उघडू शकतो. प्रौढ झाल्यानंतर, अल्पवयीन व्यक्तीने त्याच्या नावावर खाते हस्तांतरित करण्यासाठी संबंधित पोस्ट ऑफिसमध्ये नवीन खाते उघडण्याचा फॉर्म आणि केवायसी कागदपत्रे सादर करावी लागतात.

यासाठी शुल्क किती भरावे लागेल ?

पोस्ट ऑफिस बचत खात्यातील रक्कम 500 रुपयांपेक्षा कमी असल्यास आणि आर्थिक वर्षाच्या शेवटी ती या मर्यादेपेक्षा कमी राहिल्यास, 50 रुपये देखभाल शुल्क वजा केले जाते.

-डुप्लिकेट पासबुक जारी करण्यासाठी, तुम्हाला 50 रुपये द्यावे लागतील.

खाते विवरण किंवा जमा पावती जारी करण्यासाठी, प्रत्येकी 20 रुपये भरावे लागतील.

-खाते हस्तांतरण आणि खाते तारण यासाठी प्रत्येकी 100 रुपये खर्च येतो.

-नामनिर्देशित व्यक्तीचे नाव बदलण्यासाठी किंवा रद्द करण्यासाठी 50 रुपये मोजावे लागतात.

-एका वर्षात तुम्ही 10 चेकबुकची पाने कोणत्याही शुल्काशिवाय वापरू शकता आणि त्यानंतर प्रत्येक पानासाठी 2 रुपये शुल्क आकारले जाते.