Post Office
Post Office : जर तुम्ही देखील एक महिला असाल आणि गुंतवणुकीसाठी एखादी चांगली योजना शोधत असाल तर पोस्ट ऑफिसच्या योजना तुमच्यासाठी उत्तम ठरतील. पोस्टाकडून सर्व प्रकारच्या ग्राहकांसाठी योजना ऑफर केल्या जातात. अगदी लहान मुलांपासून ते वृद्धांपर्यंत येथे योजना आहेत.
पोस्टाकडून महिलांसाठी देखील अनेक बचत योजना चालवल्या जातात. येथे गुंतवणूक करून अनेक महिला उत्तम कमाई करू शकतात, अशातच तुम्हालाही येथे गुंतवणूक करायची असेल तर आज आम्ही तुम्हाला एक अतिशय चांगली योजना सांगणार आहोत. जिथे पैसे गुंतवून तुम्हाला चांगला परतावा मिळू शकतो, आम्ही बोलत असलेल्या योजनेचे नाव महिला सन्मान बचत प्रमाणपत्र योजना आहे. ही योजना खास महिलांसाठी राबवली जात आहे.
पोस्ट ऑफिस महिला सन्मान बचत प्रमाणपत्र योजनेत गुंतवणूक केल्याने महिलांना कोणत्याही प्रकारच्या बाजारातील जोखमीचा सामना करावा लागणार नाही. यामध्ये तुम्हाला हमखास परतावा मिळेल. अशा परिस्थितीत या योजनेअंतर्गत महिला 2 वर्षांसाठी जास्तीत जास्त 2 लाख रुपये जमा करू शकता. त्याच वेळी, 2 वर्षांच्या गुंतवणुकीवर 7.5 टक्के दराने व्याज दिले जाते.
सरकारच्या या योजनेमुळे महिला बचत करू शकतील आणि स्वावलंबीही होतील. सरकार या योजनेत जमा होणाऱ्या पैशांवर करात सूटही देत आहे. या योजनेत गुंतवणूक केल्यास सर्व महिलांना करात सवलत मिळेल आणि या योजनेअंतर्गत 10 वर्षे किंवा त्याहून अधिक वयाच्या मुलीही येथे त्यांचे खाते उघडू शकतात.
महिला सन्मान बचत प्रमाणपत्र योजनेअंतर्गत 2 वर्षांच्या कालावधीसाठी 7.5 टक्के दराने व्याज दिले जात आहे. या योजनेत तुम्ही एकदा 2 लाख रुपये गुंतवल्यास पहिल्या वर्षी 15000 रुपये आणि दुसऱ्या वर्षी 16125 रुपये परतावा मिळतील. म्हणजेच या योजनेअंतर्गत तुम्हाला दोन वर्षात 2 लाख रुपयांच्या गुंतवणुकीवर 31125 रुपयांचे व्याज उत्पन्न मिळेल.