FD Interest Rates : भारतीय रिझर्व्ह बँक रेपो दरात कपात करत नसल्यामुळे, बहुतेक बँका एफडीवर जबरदस्त व्याज ऑफर करत आहेत. अनेक बँकांनी ग्राहकांना आकर्षित करण्यासाठी अनेक विशेष एफडी योजना सुरू केल्या आहेत. ज्यावर बँका जबरदस्त परतावा देत आहेत.
तथापि, या विशेष एफडीमध्ये गुंतवणुकीसाठी एक निश्चित तारीख आहे. तुमची अंतिम मुदत चुकल्यास तुम्ही या योजनांमध्ये गुंतवणूक करू शकणार नाही. आज आपण SBI, HDFC बँक आणि IDBI बँक यांसारख्या मोठ्या बँकांच्या विशेष एफडीच्या व्याजदराबद्दल जाणून घेणार आहोत. या योजनांमध्ये मुदतीपूर्वी गुंतवणूक करून तुम्ही उच्च व्याजाचा लाभ घेऊ शकता.
IDBI बँक
IDBI बँक उत्सव एफडीसाठी 300 दिवस, 375 दिवस आणि 444 दिवसांच्या विशेष कालावधीसह एफडी ऑफर करते. बँक या विशेष एफडीवर 7.75 टक्के ते 7.05 टक्के पर्यंत वेगवेगळ्या कालावधीसाठी व्याज देत आहे. या योजनेत गुंतवणूक करण्याची अंतिम तारीख 30 जून आहे.
स्टेट बँक ऑफ इंडिया
स्टेट बँक ऑफ इंडिया (SBI) ने WeCare स्पेशल FD मध्ये गुंतवणूक करण्याची अंतिम मुदत नुकतीच वाढवली आहे. आता गुंतवणूकदार 30 सप्टेंबर 2024 पर्यंत यामध्ये गुंतवणूक करू शकतील. ही FD 5 ते 10 वर्षांपर्यंतच्या परिपक्वता कालावधीसह ज्येष्ठ नागरिकांना उच्च व्याजदर देते. SBI WeCare वर दिलेला व्याज दर 7.50 टक्के आहे.
SBI अमृत कलश
SBI ची अमृत कलश FD ही किरकोळ ग्राहकांसाठी एक विशेष मुदत ठेव योजना आहे. हे सामान्य आणि ज्येष्ठ नागरिकांना जास्त व्याजदर देते. बँकेने अमृत कलशची अंतिम मुदत 31 मार्च 2024 ते 30 सप्टेंबर 2024 पर्यंत वाढवली आहे. बँकेच्या वेबसाइटनुसार, 400 दिवसाच्या विशेष एफडीवर व्याज दर 7.10 टक्के आहे.
HDFC बँक
एचडीएफसी बँक त्यांच्या विशेष मुदत ठेवींवर जास्त व्याजदर देते. जे फक्त ज्येष्ठ नागरिकांनाच दिले जाते. एचडीएफसी बँकेच्या वेबसाइटनुसार, एचडीएफसी बँक सीनियर सिटीझन केअर एफडीमध्ये गुंतवणूक करण्याची शेवटची तारीख 15 एप्रिल 2024 आहे. या विशेष एफडीवर बँक 7 टक्के ते 7.75 टक्के पर्यंत व्याज देते.
