State Bank of India : स्टेट बँक ऑफ इंडिया (SBI), सार्वजनिक क्षेत्रातील सर्वात मोठी बँक आहे, जी आपल्या ग्राहकांसाठी एकापेक्षा एक ऑफर आणते. अशातच SBI ज्येष्ठ नागरिकांसाठी देखील एक योजना चालवत आहे. जी सध्या सर्वत्र लिकप्रिय होत आहे.
या योजनेत SBI 7.90 टक्के पर्यंत व्याज देत आहे. एसबीआयची ही सर्वोत्तम योजना पीपीएफ, एनएससी आणि पोस्ट ऑफिसच्या बचत योजनांपेक्षा जास्त व्याज देत आहे. SBI च्या या योजनेचा सर्वात मोठा फायदा म्हणजे ही फक्त एक वर्ष आणि 2 वर्षांची योजना आहे. या योजनेत अल्पावधीतच मोठा निधी उभारला जाऊ शकतो.
SBI च्या या सर्वोत्तम योजनेत ग्राहकांना 2 वर्षांच्या ठेवीवर म्हणजेच FD वर 7.4 टक्के व्याज मिळत आहे. हा व्याजदर सर्वसामान्यांसाठी आहे. त्याचबरोबर ज्येष्ठ नागरिकांना या योजनेवर 7.90 टक्के व्याज मिळत आहे. त्याचबरोबर सर्वसामान्यांना 7.10 टक्के तर ज्येष्ठ नागरिकांना एक वर्षाच्या गुंतवणुकीवर 7.60 टक्के व्याज मिळत आहे. SBI सर्वोत्तम योजनेत तुम्ही मुदतीपूर्वी पैसे काढू शकत नाही. या नॉन-कॉलेबल स्कीम आहेत ज्यात मुदतीपूर्वी पैसे काढता येत नाहीत. जर तुम्ही वेळेपूर्वी पैसे काढले तर तुम्हाला शुल्क भरावे लागेल.
ज्येष्ठ नागरिकांसाठी 15 लाख रुपये ते 2 कोटी रुपयांच्या वरच्या सर्वोत्तम 1 वर्षाच्या ठेवीवरील वार्षिक उत्पन्न 7.82 टक्के आहे. तर, दोन वर्षांच्या ठेवींचे उत्पन्न 8.14 टक्के आहे. 2 कोटी ते 5 कोटी रुपयांच्या मोठ्या प्रमाणात ठेवींवर, SBI ज्येष्ठ नागरिकांना 1 वर्षासाठी 7.77 टक्के आणि 2 वर्षांसाठी 7.61 टक्के व्याज देत आहे. तसेच या योजनेत चक्रवाढ व्याजाचा देखील लाभ घेऊ शकता.
SBI च्या सर्वोत्तम योजनेत, ग्राहक किमान 15 लाख ते 2 कोटी रुपयांची गुंतवणूक करू शकतो. निवृत्त झालेल्या आणि पीएफ फंडातून पैसे असलेल्यांसाठी ही योजना सर्वोत्तम आहे. तो SBI च्या या योजनेत गुंतवणूक करू शकतो. यात 2 कोटींपेक्षा जास्त गुंतवणूक करण्याचा पर्याय देखील आहे परंतु व्याज 0.05 टक्के कमी आहे.