Senior Citizen FD : रिझव्‍‌र्ह बँकेने पुन्हा रेपो दरात कोणताही बदल केला नाही, असे असतानाही अनेक बँकांनी एफडी वरील व्याजदरात वाढ केली आहे. अलीकडे अनेक बँकांनी व्याजदर वाढवले आहेत. अशातच काही बँका ज्येष्ठ नागरिकांना मुदत ठेवींवर (FD) 9% आणि त्याहून अधिक व्याजदर ऑफर करत आहेत. हे व्याजदर २ कोटी रुपयांपेक्षा कमी एफडीवर उपलब्ध आहेत. आज आपण अशा काही बँकांबद्दल जाणून घेणार आहोत ज्या FD वर ज्येष्ठ नागरिकांना 9% पेक्षा जास्त व्याजदर देत आहेत.
कोटक महिंद्रा बँक
कोटक महिंद्रा बँकेने 3 वर्षे आणि त्याहून अधिक परंतु 4 वर्षांपेक्षा कमी कालावधीच्या व्याजदरात 50 bps ने 6.50% वरून 7% आणि 4 वर्षे आणि त्यापेक्षा जास्त कालावधीच्या परंतु 5 वर्षांपेक्षा कमी कालावधीच्या व्याजदरात 75 bps ने 6.25% वरून ७% पर्यंत वाढ केली आहे. बँक सामान्य नागरिकांना 2.75% ते 7.25% आणि ज्येष्ठ नागरिकांना 3.25% ते 7.75% दरम्यान व्याजदर देत आहे.
युनिटी स्मॉल फायनान्स बँक
युनिटी स्मॉल फायनान्स बँक ज्येष्ठ नागरिकांना 1001 दिवसांत परिपक्व होणाऱ्या एफडीवर 9.5% व्याजदर देत आहे.
फिनकेअर स्मॉल फायनान्स बँक
फिनकेअर स्मॉल फायनान्स बँक 750 दिवसांत परिपक्व होणाऱ्या FD वर ज्येष्ठ नागरिकांना 9.21% व्याजदर ऑफर करत आहे.
उत्कर्ष स्मॉल फायनान्स बँक
उत्कर्ष स्मॉल फायनान्स बँक ज्येष्ठ नागरिकांना दोन ते तीन वर्षांच्या मुदतीच्या FD वर 9.1% व्याजदर देते आहे.
इक्विटास स्मॉल फायनान्स बँक
इक्विटास स्मॉल फायनान्स बँक 444 दिवसांत परिपक्व होणाऱ्या FD वर ज्येष्ठ नागरिकांना 9% व्याजदर देते.
ESAF स्मॉल फायनान्स बँक
ESAF स्मॉल फायनान्स बँक ज्येष्ठ नागरिकांना दोन ते तीन वर्षांच्या मुदतीच्या FD वर 9% व्याजदर देते.
जन स्मॉल फायनान्स बँक
जन स्मॉल फायनान्स बँक दोन वर्षांपेक्षा जास्त ते तीन वर्षांपेक्षा कमी कालावधीत परिपक्व झालेल्या FD वर 9% व्याज दर देते.
DCB बँक FD दर
बँकेने सामान्य नागरिकांसाठी 10 bps व्याजदर 7.75% वरून 7.85% पर्यंत 12 महिने 1 दिवस ते 12 महिने 10 दिवसांपर्यंत वाढवले आहेत. ज्येष्ठ नागरिकांसाठी, त्याच कालावधीत ते 8.25% वरून 8.35% पर्यंत वाढले आहे.