Multibagger Stocks : जर तुम्ही मल्टीबॅगर शेअर शोधत असाल तर तुमच्यासाठी एक ही बातमी महत्वाची आहे. आज आम्ही तुम्हाला अशा एका शेअरबद्दल सांगणार आहोत ज्याने गेल्या काही काळापासून आपल्या गुंतवणूकदार श्रीमंत केले आहे.
सध्या शक्ती पंप्स इंडिया लिमिटेडच्या शेअर्सने आपल्या गुंतवणूकदारांना खूप चांगले रिटर्न्स दिले आहेत. या शेअरने गुरुवारी 5 टक्क्यांच्या वरच्या सर्किटला धडक दिली. हे सलग तिसरे सत्र आहे जेव्हा कंपनीच्या शेअर्सच्या किमती वरच्या सर्किटवर पोहोचल्या आहेत. कंपनीच्या शेअर्समध्ये मोठ्या प्रमाणात वाढ होण्यामागे चौथ्या तिमाहीतील मजबूत निकाल असल्याचे मानले जात आहे. गेल्या 3 सत्रांमध्ये कंपनीच्या शेअरच्या किमतीत 15 टक्क्यांनी वाढ झाली आहे.
गुरुवारी कंपनीच्या शेअर्सची किंमत 5 टक्क्यांच्या उसळीनंतर 2073.35 रुपयांच्या पातळीवर पोहोचली. Trendlyne डेटानुसार, कंपनीच्या शेअरच्या किमती गेल्या 6 महिन्यांत 94.70 टक्क्यांनी वाढल्या आहेत. गेल्या एका वर्षात शक्ती पंप्सच्या शेअर्सच्या किमती 382 टक्क्यांनी वाढल्या आहेत. म्हणजेच या काळात गुंतवणूकदारांचे पैसे दुपटीहून अधिक वाढले आहेत.
आज, 5 टक्क्यांच्या उसळीनंतर, शक्ती पंप्सच्या शेअरचा भाव 52 आठवड्यांचा उच्चांक 2073.35 रुपयांवर पोहोचला. कंपनीची 52 आठवड्यांची नीचांकी पातळी 406.20 रुपये प्रति शेअर आहे. तर कंपनीचे मार्केट कॅप 4153.98 कोटी रुपये आहे.
गेल्या आर्थिक वर्षाच्या शेवटच्या तिमाहीत कंपनीचा निव्वळ नफा 89.70 कोटी रुपये होता. तर वर्षभरापूर्वी ते 2.2 कोटी रुपये होते. त्याच वेळी, ऑक्टोबर ते डिसेंबर 2024 पर्यंत कंपनीने 45.2 कोटी रुपयांचा निव्वळ नफा कमावला होता. जानेवारी ते मार्च 2024 पर्यंत शक्ती पंप्सने 609.30 कोटी रुपयांची कमाई केली आहे.
