State Bank of India : स्टेट बँक ऑफ इंडिया ही देशातील सर्वात मोठी बँक आहे. या बँकेकडून नागरिकांसाठी अनेक योजना राबवल्या जातात. बँकेच्या या योजनांमध्ये अगदी लहान मुलांपासून वृद्धांपर्यंत अनेक योजना आहेत. आज आपण स्टेट बँक ऑफ इंडियाकडून जेष्ठ नागरिकांसाठी चालवल्या जाणाऱ्या एका खास योजनेबद्दल जाणून घेणार आहोत.
सार्वजनिक क्षेत्रातील सर्वात मोठी बँक, ज्येष्ठ नागरिकांसाठी एक कमाल योजना चालवत आहे. जिचे नाव SBI सर्वोत्तम योजना असे आहे. या योजने अंतर्गत बँक ग्राहकांना कमाल 7.90 टक्के पर्यंत व्याजदर देते. पण, या योजनेत गुंतवणूक करण्यासाठी अनेक योजनांचे पालन करणे आवश्यक आहे.
SBI सर्वोत्तम योजना PPF, NSC आणि पोस्ट ऑफिस बचत योजनांपेक्षा जास्त व्याजदर देते. SBI च्या या प्लॅनचा सर्वात मोठा फायदा म्हणजे यात तुम्ही फक्त फक्त एक आणि 2 वर्षांसाठी गुंतवणूक करू शकता. ही योजना अल्पावधीतच मोठी रक्कम जमा करू शकते.
SBI सर्वोत्तम स्कीममध्ये, ग्राहकांना 2 वर्षांच्या FD वर 7.4 टक्के व्याज मिळत आहे. हा व्याजदर सर्वसामान्यांसाठी आहे. त्याचबरोबर ज्येष्ठ नागरिकांना या योजनेवर 7.90 टक्के व्याज मिळत आहे.
त्याचबरोबर सर्वसामान्यांना एका वर्षाच्या गुंतवणुकीवर 7.10 टक्के तर ज्येष्ठ नागरिकांना 7.60 टक्के व्याज मिळते. एसबीआय बेस्ट प्लॅनमध्ये तुम्ही वेळेपूर्वी पैसे काढू शकत नाही. ही एक नॉन-कॉलेबल योजना आहे ज्यामध्ये मुदतीपूर्वी पैसे काढले जात नाहीत. जर तुम्ही वेळेपूर्वी पैसे काढले तर तुम्हाला शुल्क भरावे लागेल.
