Stock Market
Stock Market : मागील काही दिवसांपासून डिफेंड स्टॉकमध्ये झपाट्याने वाढ होताना दिसत आहे. शुक्रवारी म्हणजेच 14 जून रोजी पारस डिफेन्सच्या शेअर्समध्ये असेच काहीसे पाहायला मिळाले. हे शेअर गेल्या आठवड्यात अपर सर्किट होते. आणि या आठवड्यात देखील शेअर तेजीत दिसत आहेत. पारस डिफेन्सचे शेअर्स या आठवड्यात 20 टक्क्यांनी वाढून 1,388.25 रुपयांवर पोहोचले, ही त्याची 52 आठवड्यांची उच्च पातळी आहे.
मागील आठवड्यात शुक्रवारी कंपनीच्या शेअर्समध्ये प्रचंड वाढ झाली आणि 20 टक्क्यांच्या वाढीसह तो 1156.90 रुपयांवर बंद झाला. वास्तविक, कंपनीच्या शेअर्समध्ये वाढ होण्याचे कारण एक डील असल्याचे मानले जात आहे, ज्या अंतर्गत फंड हाऊसेसने पारस डिफेन्स कंपनीची हिस्सेदारी विकत घेतली आहे. NSE डेटानुसार, अबू धाबी गुंतवणूक प्राधिकरण (ADIA) ने शुक्रवार, 14 जून रोजी 5.6 लाख शेअर्स खरेदी केले होते.
मागील आठवड्यात पारस डिफेन्सचे 5.6 लाख शेअर्स खरेदी करण्यात आले, प्रत्येक शेअरची सरासरी किंमत 1120.71 रुपये होती. अशा स्थितीत शेअर्सची एकूण किंमत पाहिली तर ती 6275.97 कोटी रुपये आहे. या करारापूर्वी, अबू धाबी इन्व्हेस्टमेंट (ADIA) ने पारस डिफेन्समध्ये कोणतीही भागीदारी ठेवली नाही. मात्र या करारानंतर कंपनीकडे फक्त 1.44 टक्के हिस्सा शिल्लक राहिला आहे.
गेल्या तीन महिन्यांच्या परताव्यावर नजर टाकली तर पारस डिफेन्सच्या शेअर्सनी 100 टक्क्यांहून अधिक परतावा दिला आहे. या वर्षी मार्चमध्ये हा शेअर 600 रुपयांच्या आसपास घसरला होता. पण आता हा शेअर 1388 रुपयांवर व्यवहार करत आहे.
पारस डिफेन्सच्या शेअर्सने केवळ 5 ट्रेडिंग दिवसांत तब्बल 54 टक्के परतावा दिला आहे. एका महिन्यात या स्टॉकमध्ये 77.31 टक्के वाढ झाली आहे. जर आपण 6 महिन्यांबद्दल बोललो तर या स्टॉकने 85.62 टक्के परतावा दिला आहे. 2024 मध्ये 83.67 टक्केची वाढ झाली आहे. एका वर्षात 125.77 टक्के ची उडी नोंदवली आहे.
पारस डिफेन्सने गेल्या आर्थिक वर्षाच्या चौथ्या तिमाहीत 80 कोटी रुपयांची कमाई केली आहे. कंपनीचा कार्यरत नफा 12.5 कोटी रुपयांपेक्षा जास्त आहे. वार्षिक वाढीबद्दल बोलायचे झाल्यास, गेल्या आर्थिक वर्षात कंपनीने 254 कोटी रुपयांचा महसूल नोंदवला, तर तिचा कार्यरत नफा 51 कोटी रुपये आणि निव्वळ नफा 30 कोटी रुपये होता.