PAN Card
PAN Card : पॅन कार्ड आपल्या जीवनातील एक महत्वाचा दस्तऐवज आहे. तुमची आर्थिक स्थिती पॅनकार्डद्वारे कळू शकते. म्हणून, प्रत्येकाकडे पॅन अर्थात कायम खाते क्रमांक असणे आवश्यक आहे. त्याच वेळी, जर तुमच्याकडे पॅन कार्ड असेल आणि तुम्ही ते वापरत असाल तर तुम्हाला त्यासंबंधीच्या नियमांची विशेष माहिती तुम्हला माहिती असणे गरजेचे आहे.
पॅनकार्डचा वापर करताना ‘या’ गोष्टी लक्षात ठेवा !
प्रत्येक पॅनकार्ड धारकाला माहित असले पाहिजे की कोणत्या चुका त्यांना महागात पडू शकतात आणि त्यांनी काय करणे टाळले पाहिजे. जर तुमच्याकडेही पॅनकार्ड असेल तर कोणत्या 4 चुकांमुळे तुम्हाला 10,000 रुपयांपर्यंतचा दंड आयकर विभागाला भरावा लागू शकतो आणि आयकर विभाग तुमच्यावर कधी कारवाई करू शकते ? जाणून घेऊया.
जर तुम्ही पॅनकार्डधारक असाल तर तुमच्यासाठी हे जाणून घेणे महत्त्वाचे आहे की एकापेक्षा जास्त पॅन कार्ड असणे हा कायदेशीर गुन्हा आहे. एखादी व्यक्ती दोन पॅनकार्डांसह आढळल्यास त्याच्यावर कारवाई होऊ शकते. जर आयकर विभागाने कारवाई केली तर त्या व्यक्तीला 10,000 रुपयांचा दंड ठोठावला जाऊ शकतो. तुमच्याकडे दोन किंवा त्याहून अधिक पॅनकार्ड असतील तर तुम्हाला 10,000 रुपयांपर्यंत दंड भरावा लागू शकतो.
खार तर अर्जदाराने पॅनकार्डसाठी एकापेक्षा जास्त वेळा अर्ज केल्यावर अशी परिस्थिती उद्भवते. जर तुम्ही पॅनकार्डसाठी अर्ज केला असेल आणि तो तुमच्यापर्यंत पोहोचला नसेल, त्यानंतर तुम्ही पुन्हा पॅनकार्डसाठी अर्ज केला असेल, तर अशा प्रकारे दोन पॅन कार्ड बनवता येतात.
जर तुमच्या पॅन कार्डमध्ये काही चूक झाली असेल, जसे की जन्मतारीख, नाव, पत्ता इत्यादी चुकीच्या पद्धतीने लिहिलेले असतील आणि ते दुरुस्त करण्याऐवजी तुम्ही दुसऱ्या पॅनकार्डसाठी अर्ज केला असेल, तर अशी चूक केल्यास जास्तीचा 10,000 रुपये दंड भरावा लागू शकतो.
लग्नानंतर बहुतेक महिला त्यांचे आडनाव बदलतात, त्यानंतर त्या पॅन कार्ड देखील बदलतात. मात्र, असे करणे योग्य नाही. विभागाचे म्हणणे आहे की जर तुमचे आडनाव बदलले असेल किंवा तुम्हाला नाव, पत्ता, जन्मतारीख संबंधित बदल करायचे असतील तर तुम्ही कार्डमध्ये दुरुस्ती करू शकता. तुम्ही नवीन कार्डसाठी अर्ज केल्यास तुमच्याकडे दोन पॅनकार्ड असतील ज्यामुळे तुमच्यावर कारवाई केली जाऊ शकते.
पॅन कार्ड रद्द करण्यासाठी किंवा सरेंडर करण्यासाठी तुम्ही ऑफलाइन किंवा ऑनलाइन दोन्ही पद्धतींचा अवलंब करू शकता. तुम्हाला ऑफलाइन पद्धतीचा अवलंब करायचा असेल, तर त्यासाठी तुम्हाला UTI किंवा NSDL TIN सुविधा केंद्रात जाऊन फॉर्म 49A भरावा लागेल. येथे तुम्हाला तुमची पॅन कार्ड माहिती भरावी लागेल आणि फॉर्म सबमिट करावा लागेल.
त्याच वेळी, जर तुम्हाला पॅन कार्ड ऑनलाइन जमा करायचे असेल, तर त्यासाठी तुम्हाला NSDL च्या अधिकृत वेबसाइट https://nsdl.co.in/ वर जावे लागेल. येथे तुम्ही वापरत असलेल्या पॅन कार्डचे तपशील द्या. यानंतर सेक्शन 11 मध्ये तुम्हाला दुसऱ्या पॅनची माहिती टाकावी लागेल. पुढील प्रक्रियेचे अनुसरण करून, तुम्हाला दुसऱ्या पॅन कार्डची प्रत देखील येथे सबमिट करावी लागेल.
पॅन कार्ड हरवले किंवा चोरीला गेल्यास काय करावे?
तुमचे पॅन कार्ड कुठेतरी हरवले किंवा चोरीला गेले तर. याशिवाय, जर पॅन कार्ड फाटले असेल, तर अशा परिस्थितीत, नवीन पॅनकार्डसाठी अर्ज करण्यापूर्वी, तुम्हाला जुन्या पॅनकार्डबद्दल एफआयआर नोंदवावा लागेल आणि ते प्राप्तिकर विभागाच्या निदर्शनास आणावे लागेल.
अनेक लोक फसवणुकीसाठी अनेक पॅन कार्ड एकत्र वापरतात, जे बेकायदेशीर आहे. त्यामुळे तुम्ही वर नमूद केलेल्या सर्व गोष्टी लक्षात ठेवाव्यात.