Bank FD Rates : मोठ्या बँकांच्या तुलनेत स्मॉल फायनान्स बँका मुदत ठेवींवर जास्त व्याजदर देतात. अशीच एक बँक सूर्योदय स्मॉल फायनान्स बँक देखील आपल्या एफडीवर सर्वाधिक परतावा ऑफर करत आहे. या बँकेने नुकतेच आपल्या एफडीवरील व्याजदरात वाढ केली आहे.
बँकेने काही निवडक मुदतीच्या FD वर 2 कोटी रुपयांपेक्षा कमी रकमेच्या व्याजदरात वाढ केली आहे. नवीन व्याजदर 1 मार्च 2024 पासून लागू झाले आहेत. सूर्योदय स्मॉल फायनान्स बँकेने 25 महिन्यांच्या एफडीवरील व्याजदरात 0.41 टक्क्यांनी वाढ केली आहे. बँकेने प्रसिद्धीपत्रक जारी करून ही माहिती दिली आहे.
या बदलानंतर आता बँक सामान्य नागरिकांना 2 कोटी रुपयांपेक्षा कमी रकमेच्या एफडीवर 4 टक्के ते 9.01 टक्के व्याज देत आहे. त्याच वेळी, बँक ज्येष्ठ नागरिकांना 4.50 टक्के ते 9.25 टक्के व्याजदर देत आहे.
5 वर्षांच्या FD इतके व्याज
सूर्योदय स्मॉल फायनान्स बँक सर्वसामान्य नागरिकांना 6.85 टक्के आणि ज्येष्ठ नागरिकांना 1 वर्षाच्या एफडीवर 7.35 टक्के व्याज देत आहे. 15 महिने ते 2 वर्षांपर्यंतच्या FD वर 8.50 टक्के आणि 9 टक्के व्याजदर आहे. 5 वर्षाच्या FD वर, बँक सामान्य नागरिकांना 8.25 टक्के व्याज दर आणि ज्येष्ठ नागरिकांना 8.75 टक्के व्याजदर देत आहे. 5 वर्षांपेक्षा जास्त आणि 10 वर्षांपर्यंतच्या FD वर, बँक सर्वसामान्य नागरिकांना 7.25 टक्के व्याजदर आणि ज्येष्ठ नागरिकांना 7.75 टक्के व्याजदर देत आहे.
याशिवाय 7 दिवस ते 14 दिवसांच्या एफडीवर सामान्य नागरिक आणि ज्येष्ठ नागरिकांसाठी अनुक्रमे 4 टक्के आणि 4.50 टक्के, 15 दिवस ते 45 दिवसांच्या एफडीवर 4.25 टक्के आणि 4.75 टक्के, 46 दिवस ते 90 दिवसांच्या एफडीसाठी 4.50 टक्के आणि 5 टक्के, 91 दिवस ते 6 महिन्यांच्या एफडीसाठी 5 टक्के आणि 5.50 टक्के व्याजदर आहेत.
