Post Office
`Post Office : पोस्ट ऑफिस कडे अनेक लहान बचत योजना आहेत. जर तुम्ही कमी गुंतवणुकीत उत्तम योजना शोधत असाल तर पोस्ट ऑफिसची ही योजना तुमच्यासाठी उत्तम आहे. तुम्ही पोस्ट ऑफिस योजनाच्या किसान विकास पत्र योजनेत गुंतवणूक करू शकता. ही एक अशी योजना आहे ज्यामध्ये तुम्ही दुप्पट परतावा कमावू शकता. भारत सरकारची ही अल्पबचत योजना असल्याने ती अतिशय सुरक्षितही मानली जाते. सध्या या योजनेतील गुंतवणुकीवर 7.5 टक्के वार्षिक व्याज दिले जात आहे.
पोस्ट ऑफिसच्या अधिकृत वेबसाइटनुसार, एकल प्रौढ व्यक्ती या योजनेत गुंतवणूक करण्यासाठी खाते उघडू शकतो. तुम्हाला हवे असल्यास, जास्तीत जास्त तीन लोक संयुक्त खाते उघडू शकतात. इतकेच नाही तर 10 वर्षांपेक्षा जास्त वयाच्या अल्पवयीन व्यक्तीच्या वतीने पालक त्यांच्या स्वत:च्या नावाने पोस्ट ऑफिस किसान विकास पत्र खाते देखील उघडू शकतात.
किसान विकास पत्र योजनेत किमान 1000 रुपयांपासून गुंतवणूक सुरू करता येते. तुम्ही 100 च्या पटीत कोणतीही रक्कम गुंतवू शकता. यामध्ये कमाल मर्यादा नाही. या योजनेअंतर्गत कितीही खाती उघडता येतात. वित्त मंत्रालयाने वेळोवेळी विहित केलेल्या मुदतपूर्तीच्या कालावधीत ठेवी परिपक्व होतील, जे ठेवीच्या तारखेला लागू होते. या योजनेत गुंतवणुकीची रक्कम 115 महिन्यांत (9 वर्षे आणि 7 महिने) दुप्पट होते.
अधिकृत वेबसाइटनुसार, किसान विकास पत्र खाते काही विशिष्ट परिस्थितीतच मॅच्युरिटीपूर्वी बंद केले जाऊ शकते. एकल खाते किंवा संयुक्त खाते कोणत्याही एका किंवा सर्व खातेधारकांच्या मृत्यूनंतर बंद केले जाऊ शकते. हे खाते ठेवीच्या तारखेपासून 2 वर्षे आणि 6 महिन्यांनंतर बंद केले जाऊ शकते.