Multibagger Stock : स्टॉक मार्केटमध्ये अनेक पेनी स्टॉक्स आहेत ज्यांनी गेल्या काही वर्षांत मल्टीबॅगर परतावा दिला आहे. असाच एक पेनी स्टॉक स्वदेशी पॉलिटेक्सचा आहे. या शेअरने गेल्या 5 वर्षांत गुंतवणूकदारांना 10000 टक्क्यांहून अधिक परतावा दिला आहे.
दरम्यान, हा शेअर गेल्या 7 दिवसांपासून सतत अप्पर सर्किटवर राहिला आहे. या शेअरने शुक्रवारी 340.10 रुपयांचा विक्रमी उच्चांक गाठला. तुमच्या माहितीसाठी 6 जून 2023 रोजी, हा शेअर 35 रुपयाच्या 52 आठवड्यांच्या नीचांकी पातळीवर होता, तेथून तो आतापर्यंत 872 टक्क्यांनी वाढला आहे.
स्वदेशी पॉलिटेक्सचा शेअर एप्रिल 2019 मध्ये 3.33 रुपयाच्या पातळीवर होता आणि तो तीन वर्षांपूर्वी म्हणजेच एप्रिल 2021 मध्ये 5.45 रुपयांवर होता. दरम्यान, गुंतवणूकदारांना या शेअर 5 आणि तीन वर्षांमध्ये अनुक्रमे 10000 टक्के आणि 6140 टक्के परतावा दिला आहे.
डिसेंबर 2023 मध्ये हा स्टॉक 91.95 वर होता, ज्याने 2024 मध्ये 270 टक्के चा सकारात्मक परतावा दिला आहे. गेल्या एका वर्षाच्या कालावधीत त्यात 747 टक्के पेक्षा जास्त वाढ झाली आहे. आज सलग सातव्या सत्रात तो 5 टक्क्यांच्या वरच्या सर्किटला आहे.
स्वदेशी पॉलिटेक्सच्या शेअर्सनी या वर्षी आतापर्यंतच्या सर्व 5 महिन्यांत सकारात्मक परतावा दिला आहे. मे महिन्यात स्टॉक 40 टक्क्यांहून अधिक वाढला आहे, सलग पाचव्या महिन्यातही वाढ सुरूच आहे. या व्यतिरिक्त, स्टॉकमध्ये एप्रिलमध्ये सुमारे 68 टक्के, मार्चमध्ये 18 टक्क्यांहून अधिक, फेब्रुवारीमध्ये सुमारे 24 टक्के आणि जानेवारी 2024 मध्ये 7 टक्क्यांहून अधिक वाढ नोंदवली गेली.
