तुम्ही कोठे राहता? वाहतुकीसाठी काय वापरता? असे प्रश्न वाचून तुम्ही नक्कीच विचार कराल की असा काय प्रश्न विचारलाय. पण यात तुम्हाला एखादी बिझनेस आयडिया सापडली तर? त्याच असं आहे की तुम्ही शहरात राहात असाल किंवा गावात असाल, पण तुम्हाला कोठेही येण्याजाण्यासाठी किंवा काही मटेरियल आणण्यासाठी वाहतुकीची गरज पडतेच पडते.
व ही गरज तुमच्यासह लाखो लोकांची आहे. म्हणजेच तुम्ही हा गरजेचा बिझनेस अर्थात ट्रान्सपोर्ट बिझनेस सुरु केला तर? तर नक्कीच तुम्ही फायद्यात राहाल. सध्याच्या वाढत्या लोकसंख्येनुसार या व्यवसायाची डिमांड देखील वाढली आहे. या व्यवसायाबद्दल सविस्तर जाणून घेऊयात –
तुम्हाला जर ट्रांसपोर्ट व्यवसाय व्यवस्थित करायचा असेल तर बाजारपेठेतील मागणी लक्षात घ्यावी लागेल. माणसे आणि माल एका ठिकाणाहून दुसऱ्या ठिकाणी नेण्यासाठी वाहतुकीचा वापर केला जातो. या वाहनांमध्ये मग छोट्या ट्रॉलींपासून ते विमाने आणि मोठ्या जहाजांपर्यंत सर्व गोष्टींचा समावेश आहे. पण येथे आम्ही तुम्हाला अशाच काही परवडणाऱ्या आणि चांगल्या ट्रान्सपोर्ट बद्दल आयडिया देणार आहोत.
टुरिस्ट प्लॅन :-ट्रान्सपोर्टचा व्यवसाय सध्या ट्रेंडमध्ये आहे. यामध्ये तुम्हाला कार, बस, ट्रक किंवा ऑटोचा वापर करून लोक किंवा वस्तू एका ठिकाणाहून दुसऱ्या ठिकाणी पोहोचवाव्या लागतात. भारतातील प्रवाशांची संख्या सातत्याने वाढत आहे. त्यामुळे हा बिजनेसही वाढत राहीलच. देश-विदेशातील लोक येथे येतात, त्यांना पर्यटन स्थळांना भेटी द्यायचा असतात. तुम्ही स्पेसिफिक ते काम देखील करू शकता.
अॅप्लिकेशन टॅक्सी सर्विस :- आजकाल अॅप्लिकेशन टॅक्सी सर्विसचा व्यवसाय खूप वेगाने वाढत आहे. बाहेर जाण्यासाठी लोक ओला, उबर किंवा झूम कारसारख्या सर्विस वापरतात. तुमच्याकडे स्वतःची कार असेल तर तुम्ही तुमची कार या कंपन्यांशी लिंक करून प्रचंड पैसे कमवू शकता. यात तुम्ही एकापेक्षा जास्त कार अॅड करू शकता. यातून तुमचा बेनिफिट वाढत जाईल.
भाडेतत्वावर कार :-भाडेतत्वावर कार देण्याचा व्यवसायही जोरात सुरू आहे. पर्यटनस्थळी किंवा इतर ठिकाणी सहलीला जाण्यासाठी अनेक तरुण वर्ग गाड्या भाड्याने घेतात. जर तुमच्याकडे ड्रायव्हिंग लायसन्स असेल तर तुम्ही कार भाड्याने देऊन चांगले पैसे कमवू शकता.
कोल्ड चेन सर्व्हिस :-दूध, दुग्धजन्य पदार्थ आणि इतर काही वस्तू एका ठिकाणाहून दुसऱ्या ठिकाणी नेण्यासाठी कोल्ड चेन सेवेचा वापर केला जातो. यामध्ये उच्च तापमानामुळे लवकर खराब होऊ शकणाऱ्या वस्तूंची वाहतूक केली जाते. यामध्ये तुम्हाला गुंतवणूक थोडी जास्त करावी लागते. या ट्रान्सपोर्ट बिझनेसमधून तुम्ही प्रचंड पैसा कमाऊ शकता.