UPI service : तुम्ही देखील UPI वापरत असाल तर तुमच्यासाठी एक महत्वाची बातमी आहे. UPI वापरकर्त्यांसाठी लवकरच एक नवीन सेवा सुरू होणार आहे. ज्याद्वारे त्यांना पेमेंट करणे आणखीनच सोपे होणार आहे, UPI आधारित ॲप्स त्यांच्या वापरकर्त्यांसाठी व्हॉईस कमांड UPI पेमेंट सुविधा सुरू करण्याचा विचार करत आहेत. ही सुविधा सुरु झाल्यानंतर ग्राहकांना याचा खूप मोठा फायदा होणार आहे. काय आहे ही सुविधा आणि कशी कार्य करणार चला जाणून घेऊया.
UPI व्हॉईस कमांडद्वारे आता युजर्स फक्त बोलून UPI पेमेंट करू शकतील. भारतीय रिझर्व्ह बँक (RBI) गव्हर्नर शक्तीकांत दास यांनी गेल्या आठवड्यात मुंबईत सुरू असलेल्या ग्लोबल फिनटेक फेस्टिव्हलमध्ये संवादात्मक UPI लाँच करण्याची घोषणा केली होती.
नवीन व्हॉईस कमांड UPI पेमेंट सेवा त्या भारतीय लोकांसाठी अधिक चांगली असू शकते. ज्यांना त्यांच्या भाषेत कसे बोलावे हे माहित आहे. याशिवाय या नव्या सुविधेचा फायदा वृद्धांनाही होणार आहे. हे नवीन फीचर लवकरच इंग्रजी आणि हिंदी व्यतिरिक्त अनेक भाषांमध्ये उपलब्ध केले जाणार आहे.
पैसे हस्तांतरित करण्यासाठी वापरकर्ते फक्त व्हॉइस कमांड देऊ शकतात. व्यवहार पूर्ण करण्यासाठी तुम्हाला UPI पिन टाकावा लागेल. मीडिया रिपोर्ट्सनुसार, NPCI ने म्हटले आहे की, पेमेंट करण्यासाठी यूजर्स एआय सिस्टमशी बोलू शकतात. हे दोन मोडमध्ये उपलब्ध असेल. पहिला ऑन कॉल आहे जो व्हॉईस कॉलद्वारे असेल. दुसऱ्या बद्दल बोलायचे झाले तर ते इन-ॲप असेल जे कोणत्याही UPI ॲपद्वारे असेल.
ही सेवा कशी कार्य करेल?
तुमचा आवाज प्रथम ॲनालॉगमधून डिजिटलमध्ये रूपांतरित केला जाईल. यानंतर तुमचा आवाज मजकूरात रूपांतरित होईल. यानंतर तुमची भाषा मशिन ट्रान्सलेशनद्वारे इंग्रजीमध्ये बदलली जाईल. यानंतर तुम्हाला टेक्स्ट टू स्पीचद्वारे कन्फर्म केले जाईल. यानंतर एक व्हॉइस आउटपुट शेअर केला जाईल.
जर एखादा वापरकर्ता तुमच्या खात्यातील शिल्लक तपासण्यासाठी शोधत असेल तर बॅलन्स सारख्या कीवर्डद्वारे हेतू ओळखला जाईल. ग्राहक मेसेजिंग ॲपवर फक्त ‘हाय’ टाइप करून त्यांचे बिल मिळवू शकतात. एवढेच नाही तर मिस कॉल देऊनही बिल भरता येणार आहे.