Investment Tips
Investment Tips : तुम्ही पैसे गुंतवण्यासाठी चांगला पर्याय शोधत आहात का? आजकाल मार्केटमध्ये गुंतवणुकीचे अनेक पर्याय उपलब्ध आहेत, ज्यात तुम्ही पैसे गुंतवू शकता. अशा वेळी गुंतवणूक कुठे करायची याबाबत अनेकदा लोक संभ्रमात पडतात.
आज आम्ही तुम्हाला गुंतवणुकीचे अनेक पर्याय सांगणार आहोत, ज्यात पैसे गुंतवल्यानंतर मॅच्युरिटीवर तुम्हाला भरपूर फायदा होईल. यामध्ये तुम्ही केवळ 1 वर्षाच्या गुंतवणुकीवर प्रचंड पैसे कमावू शकता –
बँक आरडी
आरडीबद्दल बोलायचं झालं तर ही एक प्रकारची पिगी बँक आहे, ज्यात तुम्हाला दर महिन्याला काही पैसे टाकावे लागतात. यामध्ये तुम्हाला मॅच्युरिटीवरील व्याजासह एकूण रक्कम मिळते. आपण आपल्या आवडीनुसार 1 वर्ष, 2 वर्ष किंवा कोणत्याही कालावधीसाठी आरडी करू शकता. बँक किंवा पोस्ट ऑफिसमधून व्याज मिळते. तुम्हाला सर्व बँकांमध्ये आरडी ची सुविधा मिळेल. याशिवाय पोस्ट ऑफिसमध्ये आरडीही करू शकता.
लिक्विड फंड
लिक्विड फंड हा शॉर्ट टर्म गुंतवणुकीचा पर्याय आहे. लिक्विड फंडातील गुंतवणूक लॉक-इन कालावधीशिवाय केली जाते. याशिवाय यात एक्झिट लोड नाही. तुम्हाला हवं तेव्हा तुम्ही त्यातून पैसे ही काढू शकता.
बँक एफडी
याशिवाय तुम्ही बँक एफडीमध्येही पैसे गुंतवू शकता. गुंतवणुकीसाठी हा एक चांगला पर्याय आहे. आजकाल हा अनेकांचा आवडता पर्याय आहे. तुम्ही हे 7 दिवस ते 10 वर्षांपर्यंत करू शकता. यामध्ये तुम्ही किती कालावधी पर्यंत एफडी केली आहे त्यानुसार व्याजदर बदलतो.
डेट फंड
फिक्स्ड डिपॉझिटपेक्षा थोडा जास्त परतावा हवा असेल तर डेट फंडात गुंतवणूक करू शकता. डेट फंडात गुंतवणूक करणे कमी जोखमीचे असते. आतापर्यंत डेट म्युच्युअल फंडात गुंतवणूक केल्याने एफडीपेक्षा जास्त परतावा मिळाल्याचे आढळून आले आहे. डेट म्युच्युअल फंड फिक्स्ड इन्कम सिक्युरिटीमध्ये गुंतवणूक करतात. यामध्ये बॉन्‍ड, सरकारी सिक्युरिटीज, ट्रेझरी बिल आणि नॉन कन्व्हर्टिबल डिबेंचर आदींचा समावेश आहे.
कॉर्पोरेट एफडी
याशिवाय कॉर्पोरेट एफडीबद्दल बोलायचे झाले तर कंपन्या आपल्या व्यवसायासाठी बाजारातून पैसे गोळा करतात आणि त्यासाठी ते एफडी जारी करतात. हे सामान्य एफडीप्रमाणेच असते. कॉर्पोरेट एफडी तुम्ही ऑनलाइनही मिळवू शकता. कॉर्पोरेट एफडीवर सामान्य एफडीपेक्षा जास्त व्याज दर असतात. सर्वसाधारणपणे कॉर्पोरेट एफडीचा मॅच्युरिटी पीरियड १ ते ५ वर्षांचा असतो. आपण आपल्या सोयीनुसार कोणताही कालावधी निवडू शकता.