Nissan : देशात नवनवीन कार लॉंच करण्यामध्ये स्पर्धा खूप आहे. त्यामुळे तुम्ही कार खरेदी करण्यापूर्वी कारविषयी सविस्तर जाणून घेणे गरजेचे आहे.

दरम्यान, भारतीय बाजारपेठेसाठी निसानची पुढील मोठी लाँच X-Trail SUV असेल. ती टोयोटा फॉर्च्युनर, ह्युंदाई टक्सन, सिट्रोएन सी5 एअरक्रॉस आणि फोक्सवॅगन टिगुआनशी स्पर्धा करेल.

निसान इंडियाने अलीकडेच तीन नवीन एसयूव्हीचे अनावरण केले, ज्यांची भारतीय बाजारपेठेत चाचणी सुरू आहे. निसानने पुष्टी केली आहे की निर्मात्याने चाचणी पूर्ण केल्यानंतर एक्स-ट्रेल लाँच केले जाईल. या SUV बद्दल अशा 5 गोष्टी जाणून घेऊया, ज्या निसान X-Trail ला खास बनवतात.

डायमेंशन आणि सिटिंग कंफिगरेशन

एक्स-ट्रेलच्या परिमाणांची अद्याप पुष्टी झालेली नाही. तथापि, जागतिक बाजारपेठेत, या SUV ची लांबी 4,680mm, रुंदी 2,065mm आणि उंची 1,725mm आहे. SUV चा व्हीलबेस 2,705mm असून ग्राउंड क्लीयरन्स 205mm आहे.

भारतीय बाजारपेठेत SUV लाँच करताना निर्माता परिमाणांमध्ये काही बदल करू शकतो. Nissan जागतिक बाजारपेठेत X-Trail 5-सीटर तसेच 7-सीटर SUV म्हणून ऑफर करते. तथापि, भारतीय बाजारपेठेत कोणती सीटिंग कॉन्फिगरेशन ऑफर केली जाईल हे अद्याप माहित नाही.

एसयूव्हीची वैशिष्ट्ये

जागतिक बाजारपेठेत, X-Trail टर्बो पेट्रोल इंजिन, एस्पिरेटेड इंजिन आणि मजबूत-हायब्रीड इंजिनसह ऑफर केली जाते. SUV ची विक्री टू-व्हील ड्राइव्ह तसेच ऑल-व्हील ड्राइव्ह प्रणालीसह केली जात आहे. मात्र, निसानने भारतीय बाजारात कोणती पॉवरट्रेन लॉन्च करणार हे जाहीर केले नाही.

निसान एक्स-ट्रेलची वैशिष्ट्ये

वैशिष्ट्यांबद्दल बोलायचे झाल्यास, X-Trail ला LED लाइटिंग, एक इलेक्ट्रिक पार्किंग ब्रेक, तीन-झोन क्लायमेट कंट्रोल, एक डिजिटल ड्रायव्हर डिस्प्ले, टचस्क्रीन इंफोटेनमेंट सिस्टम, हेड्स-अप डिस्प्ले आहे. यात चार राइडिंग मोड आहेत. यामध्ये तुम्हाला व्हील ड्राइव्ह मोड ऑफर करण्यात आला आहे.

निसान एक्स-ट्रेलची सुरक्षा वैशिष्ट्ये

एक्स-ट्रेल ADAS ने सुसज्ज आहे. यात अॅडॉप्टिव्ह क्रूझ कंट्रोल, ब्लाइंड स्पॉट डिटेक्शन, प्रोपायलट असिस्ट, ऑटोमॅटिक हाय बीम, मल्टिपल एअरबॅग्ज, ऑटोनॉमस इमर्जन्सी ब्रेकिंग, मूव्हिंग ऑब्जेक्ट डिटेक्शन अलर्ट आणि बरेच काही मिळते.

निसान एक्स-ट्रेल किंमत आणि प्रतिस्पर्धी

X-Trail ची अपेक्षित किंमत रु.40 लाख (एक्स-शोरूम) किंवा थोडी जास्त असू शकते. त्याची स्पर्धा फोक्सवॅगन टिगुआन, सिट्रोएन सी5 एअरक्रॉस, टोयोटा फॉर्च्युनर आणि ह्युंदाई टक्सनशी होईल.