WhatsApp : आपण आपल्या स्मार्टफोनमध्ये सहजपणे व्हाईस कॉल किंवा व्हिडिओ कॉल रेकॉर्ड करतो. परंतु, व्हॉट्सॲपवर असे कॉल रेकॉर्ड करता येत नाहीत. सध्या व्हॉट्सॲप आपल्या वापरकर्त्यांसाठी नवनवीन फिचर्स घेऊन येत असते.

परंतु, व्हॉट्सॲप व्हाईस कॉल किंवा व्हिडिओ कॉल रेकॉर्ड करण्याचे फीचर्स आणण्यास कंपनीने स्पष्टपणे नकार दिला आहे.तरीही तुम्ही व्हॉट्सॲप कॉल रेकॉर्ड करू शकते. कसे ते जाणून घेऊ.

अनेकांना व्हॉट्सॲप ऑडिओ किंवा व्हिडिओ कॉल रेकॉर्ड करायचे असतात. कंपनी यासाठी कोणतीही सुविधा देत नाही, परंतु इतर पद्धती वापरल्या जाऊ शकतात. या लेखात, आपण अशाच युक्त्यांबद्दल जाणून घ्याल ज्याद्वारे कोणताही WhatsApp ऑडिओ व्हिडिओ कॉल रेकॉर्ड केला जाऊ शकतो.

Android मध्ये WhatsApp कॉल कसे रेकॉर्ड करावे

आतापर्यंत असे कोणतेही अधिकृत फीचर अँड्रॉइड किंवा व्हॉट्सॲपने दिलेले नाही. याबाबतीत अनेक थर्ड पार्टी ॲप्स तुमची मदत करू शकतात. क्यूब कॉल हे देखील असेच एक ॲप आहे.

तुमच्या फोनवर Google Play Store वर जाऊन Cube Call ॲप इंस्टॉल करा. आता तुम्ही जेव्हाही व्हॉट्सॲप कॉल कराल तेव्हा तुम्हाला तेथे क्यूब कॉल विजेट दिसेल. जर ते दिसत नसेल तर फोनमधील क्यूब कॉल ॲप उघडा. त्यानंतर VoIP वर टॅप करा. अशा प्रकारे तुमचा व्हॉट्सॲप कॉल फोनच्या अंतर्गत मेमरीमध्ये सेव्ह होईल जो तुम्ही नंतर वापरू शकता.

Apple iPhone मध्ये असे असेल रेकॉर्डिंग

आयफोनमध्ये व्हॉट्सॲप कॉल रेकॉर्ड करण्यासाठी, तुम्हाला तुमचा फोन ॲपल लॅपटॉप (मॅकबुक इ.) शी जोडणे आवश्यक आहे. सर्वप्रथम तुमच्या लॅपटॉपवर क्विक टाईम ॲप इन्स्टॉल करा. त्यानंतर आयफोनला लॅपटॉपशी कनेक्ट करा. आता Quick Time उघडा आणि File या पर्यायावर जा. येथे ऑडिओ रेकॉर्ड पर्यायावर क्लिक करा आणि आयफोन निवडा.

यानंतर, क्विक टाइम ॲपवर जा आणि रेकॉर्ड बटणावर टॅप करा. आता आयफोनमध्ये व्हॉट्सॲप कॉल केल्यानंतर वापरकर्ता जोडा आयकॉनवर टॅप करा. अशा प्रकारे तुमचे व्हॉट्सॲप कॉल आपोआप रेकॉर्ड होतील. तुम्ही फक्त तुमच्या Apple लॅपटॉपवरून या सर्व रेकॉर्डिंगमध्ये प्रवेश करू शकाल.