Ration Card : कोरोना काळापासून रेशन कार्ड धारकांना (Ration card holders) सरकारकडून मोफत धान्य वाटप केले जात आहे. तसेच केंद्र सरकाकडून (Central Goverment) शिधापत्रिकेबाबत वेगवेगळे निर्णय घेण्यात येत आहेत. सरकार समाजातील प्रत्येक घटकासाठी विविध प्रकारच्या योजना आणत असते.

या सर्व योजनांच्या माध्यमातून सरकार महिला, मुले, शेतकरी, मजूर आणि इतर वर्गातील लोकांना आर्थिक आणि सामाजिक मदत देण्याचा प्रयत्न करते. अशीच एक योजना म्हणजे रेशन कार्ड योजना, ज्याद्वारे सरकार देशातील करोडो लोकांना मोफत रेशन सुविधा पुरवते.

प्रधानमंत्री गरीब कल्याण योजना (PM Poor Welfare Food Scheme) च्या माध्यमातून सरकारने कोरोना महामारी सुरू झाल्यानंतर देशातील 80 कोटी लोकांना मोफत रेशनचे वाटप केले आहे.

या कार्डच्या माध्यमातून योग्य लोकांना योजनेचा लाभ मिळतो, त्यामुळे सरकारने शिधापत्रिका आधार कार्डशी लिंक करणे आवश्यक केले आहे. यापूर्वी सरकारने यासाठी 31 मार्च 2022 पर्यंत मुदत दिली होती, ती आता 30 जून 2022 पर्यंत वाढवण्यात आली आहे.

तुम्ही अजून आधार कार्ड रेशन कार्डशी लिंक केले नसेल तर लवकरात लवकर करा. या संदर्भात माहिती देताना, अन्न आणि सार्वजनिक वितरण विभागाने अधिसूचना जारी केली आहे.

आधार आणि रेशन कार्ड लिंक करणे महत्त्वाचे का आहे?

कोरोनाच्या काळात देशातील अनेकांना वेगवेगळ्या राज्यांची शिधापत्रिका असल्याने मोठ्या त्रासाला सामोरे जावे लागले होते. यानंतर सरकारने ‘वन नेशन वन रेशन कार्ड’ (One Nation One Ration Card) योजनेअंतर्गत देशातील प्रत्येक शिधापत्रिका आधारशी लिंक (Ration card Adhar link) करण्याचा आदेश जारी केला. तेव्हापासून दोन्ही लिंक करणे अनिवार्य झाले आहे.

आधार रेशन कार्ड कसे लिंक करावे-

ऑनलाइन माध्यमातून दोन्ही लिंक करण्यासाठी, uidai.gov.in वर आधारच्या अधिकृत वेबसाइटला भेट द्या.
यानंतर Start Now या पर्यायावर क्लिक करून तुमचा पत्ता भरा.
पुढे, तुमच्या राज्याचा आणि जिल्ह्याचा पत्ता भरा.
यानंतर ‘रेशन कार्ड बेनिफिट’ हा पर्याय निवडा.
पुढे, आधार, रेशन क्रमांक आणि ई-मेल पत्ता भरा.
यानंतर, आधारशी लिंक केलेल्या नोंदणीकृत मोबाइल नंबरवर ओटीपी येईल, जो प्रविष्ट करावयाचा आहे.
हे पुन्हा केल्यावर दोघेही एकत्र जोडले जातील.