Sarkari Yojana Information : मुलींच्या शिक्षण (Girls’ education) आणि भविष्याचा (Future) विचार करता लवकरात लवकर बचत करणे सुरू करणे चांगले आहे.

यासाठी सरकार (Government) सुकन्या समृद्धी योजनेसारखी (Sukanya Samrudhi Yojana) महत्त्वाकांक्षी योजना राबवत आहे. या योजनेत गुंतवणूक करणे तुमच्या मुलीच्या भविष्यासाठी खूप फायदेशीर ठरेल.

सर्वाधिक व्याज मिळेल

नवीन आर्थिक वर्षाच्या पहिल्या तिमाहीत सरकारने अल्पबचत योजनांवरील व्याजदरात कोणताही बदल केलेला नाही. म्हणजेच सुकन्या समृद्धी योजना आणि सार्वजनिक भविष्य निर्वाह निधी यांसारख्या लहान बचत योजनांवरही मागील तिमाहीप्रमाणे व्याज मिळत राहील. अशा परिस्थितीत ही योजना आजही पूर्वीप्रमाणेच सर्वाधिक व्याज देणारी बचत योजना आहे.

सध्या १२ महिन्यांच्या मुदत ठेवीवर ५.५ टक्के, ५ वर्षांच्या एफडीवर ६.७ टक्के, NSC वर ६.८ टक्के, सार्वजनिक भविष्य निर्वाह निधी (PPF) वर ७.१ टक्के आणि ज्येष्ठ नागरिक बचत योजनेवर ७.४ टक्के उपलब्ध आहेत. तर सुकन्या समृद्धी योजनेवर सर्वाधिक ७.६ टक्के व्याज आहे.

अडीचशे रुपयांत काम होईल

सुकन्या समृद्धी योजनेअंतर्गत वर्षभरात किमान २५० रुपयांची गुंतवणूक करावी लागते. कमाल रकमेबद्दल बोलायचे झाल्यास, तुम्ही एका आर्थिक वर्षात जास्तीत जास्त १.५ लाख रुपये गुंतवू शकता. यासाठी तुमच्या मुलीचे वय १० वर्षांपेक्षा कमी असावे. खाते उघडल्यानंतर, त्याचा हप्ता १४ वर्षांसाठी भरावा लागतो आणि खाते १२ वर्षांनी परिपक्व होते.