Share Market : आपल्या देशात शेअर बाजारात गुंतवणूक करून पैसे कमवणारे खूप लोक आहे. काही जण या मार्केटमध्ये गुंतवणूक करून आज लाखो – करोडोचे मालक बनले आहे. तर काही जण असे देखील आहे जे या मार्केटमध्ये आपले संपूर्ण पैसे गमावतात.

आज आम्ही तुम्हाला या मार्केटमध्ये असणाऱ्या सर्वात महाग शेअरबद्दल माहिती देणार आहोत. आज मार्केटमध्ये सर्वात महाग स्टॉक असलेल्या MRF च्या किमतीत मोठी घसरण झाली आहे. गुरुवारी म्हणजेच 10 नोव्हेंबर रोजी त्याचा स्टॉक 9 टक्क्यांनी तुटला आणि 87470 रुपयांवर बंद झाला. वास्तविक, या घसरणीचे कारण कंपनीचे दुसऱ्या तिमाहीचे निकाल आहे.

14 नोव्हेंबर रोजी एमआरएफचा शेअर 86179 रुपयांवर बंद झाला. पण तुम्हाला हे जाणून धक्का बसेल की, एकेकाळी MRF च्या एका शेअरची किंमत फक्त 11 रुपये होती. MRF हा आज भारतीय शेअर बाजारातील सर्वात महागडा स्टॉक आहे आणि त्यात गुंतवणूक करणे प्रत्येकाच्या जिकिरीचे नाही. मग एमआरएफचे शेअर्स इतके महाग होण्याचे कारण काय?

MRF शेअर्सनी गुंतवणूकदारांना करोडपती कसे केले?

बिझनेस टुडेच्या अहवालानुसार, 27 एप्रिल 1993 रोजी एमआरएफच्या शेअरची किंमत 11 रुपये होती. पण हाच स्टॉक 7 नोव्हेंबर 2022 रोजी त्याच्या सार्वकालिक उच्चांकावर पोहोचला आणि शेअरची किंमत 96000 वर पोहोचली. या 29 वर्षांत कंपनीने आपल्या गुंतवणूकदारांना जोरदार परतावा दिला आहे.

याचा अशा प्रकारे विचार करा की 29 वर्षांपूर्वी एखाद्याने MRF मध्ये 1 लाख रुपये गुंतवले असते तर आज त्याची किंमत सुमारे 78 कोटी रुपये झाली असती. काही वर्षांपूर्वी एका खाजगी बिझनेस चॅनलच्या एका कार्यक्रमात एका दर्शकाने सांगितले की, त्यांच्या आजोबांनी 1990 मध्ये MRF चे 20,000 शेअर्स विकत घेतले होते, जे त्यांना विकायचे होते. जरा कल्पना करा की त्या व्यक्तीने आत्तापर्यंत शेअर्स विकले नसते तर त्यांची किंमत जवळपास 172 कोटी रुपये झाली असती.

एमआरएफचे शेअर्स इतके महाग का आहेत?

आता तुमच्या मनात हा प्रश्नही येत असेल की गुंतवणूकदारांना करोडपती बनवणाऱ्या एमआरएफच्या शेअरची किंमत इतकी का वाढली आहे? वास्तविक यामागचे कारण आहे – शेअर्स स्प्लिट न करणे. एंजल वनच्या मते, MRF ने 1975 पासून कधीही त्याचे शेअर्स स्प्लिट केले नाहीत. याआधी, MRF ने 1970 मध्ये 1:2 आणि 1975 मध्ये 3:10 च्या प्रमाणात बोनस शेअर जारी केले होते. कारण काहीही असो, पण अनेकांचा असा विश्वास आहे की शेअर्सचे स्प्लिट न केल्याने गुंतवणूकदार दीर्घकाळ त्याच्याशी संलग्न राहतात.

वॉरन बफेट यांच्या कंपनीच्या शेअरची किंमत करोडोंमध्ये आहे

प्रसिद्ध उद्योगपती आणि अमेरिकन गुंतवणूकदार वॉरन बफेट देखील स्टॉक विभाजित न करण्याचे समर्थन करतात. वॉरेन बफे यांच्या कंपनी बर्कशायर हॅथवेचा स्टॉकही याचाच परिणाम आहे. बर्कशायर हॅथवे क्लास-ए च्या एका शेअरची किंमत अंदाजे US$4.70 दशलक्ष आहे. भारतीय रुपयात बोलायचे झाले तर त्याच्या शेअरची किंमत जवळपास 3.7 कोटी रुपये आहे.

शेअर्सचे स्प्लिट म्हणजे काय?

शेअरची किंमत जास्त असताना किरकोळ गुंतवणूकदार त्यात गुंतवणूक करण्यास टाळाटाळ करतात. अशा स्थितीत कंपनी शेअर्सचे स्प्लिट करते. समजा एखाद्या कंपनीच्या एका शेअरची किंमत 1000 रुपये आहे आणि त्या कंपनीचे एकूण एक लाख शेअर्स बाजारात आहेत. आता कंपनीने शेअर्स स्प्लिट करून एकूण दोन लाख शेअर्स केले, तर एका शेअरची किंमत 500 रुपयांपर्यंत खाली येईल.

त्याचप्रमाणे 1 लाख शेअर्स स्प्लिट करून 10 लाख शेअर्स केले तर 1 शेअरची किंमत 100 रुपये होईल. अशा स्थितीत शेअरची किंमत कमी असताना लहान गुंतवणूकदारही न डगमगता त्यात गुंतवणूक करू शकतील. जर तुमच्याकडे पिझ्झा असेल आणि तुम्ही त्याचे 4 भाग केले असतील तर ते असेच आहे. नंतर तुम्ही त्याच पिझ्झाचे 8 भाग केले. या प्रकरणात, पिझ्झा समान राहील परंतु त्याच्या भागांची संख्या वाढेल.

एमआरएफचा व्यवसाय काय आहे

एमआरएफचे पूर्ण नाव मद्रास रबर फॅक्टरी आहे. 1946 मध्ये खेळण्यांचे फुगे बनवण्यापासून सुरुवात झाली. 1960 पासून त्यांनी टायर बनवायला सुरुवात केली. आता ही कंपनी भारतातील सर्वात मोठी टायर उत्पादक कंपनी आहे. भारतातील टायर उद्योगाची बाजारपेठ सुमारे 60000 कोटी रुपयांची आहे. JK टायर, CEAT टायर इत्यादी MRF चे स्पर्धक आहेत.

हे पण वाचा :- Laptop Tips: लॅपटॉपची बॅटरी लवकर संपत आहे? तर ‘या’ सोप्या पद्धतीचा करा वापर