China Southern Highway : दक्षिण चीनमध्ये महामार्गाचा काही भाग जोरदार पावसामुळे वाहून गेल्यामुळे झालेल्या अपघातात १९ जणांचा मृत्यू झाला आहे. गेल्या काही दिवसांपासून परिसरात मुसळधार पावसामुळे हा अपघात झाल्याचे स्थानिक अधिकाऱ्यांनी सांगितले.
ग्वांगडोंग प्रांतातील मीझोऊ शहरातील अधिकाऱ्यांनी एका निवेदनात म्हटले आहे की, महामार्गाचा १७.९ मीटर लांबीचा भाग वाहून गेल्याने १८ गाड्या खोल खड्ड्यात पडल्या. ही घटना रात्री उशिरा २ वाजण्याच्या सुमारास घडली.
घटनेच्या काही वेळापूर्वी त्या मार्गावरून जाणाऱ्या प्रत्यक्षदर्शीनी स्थानिक माध्यमांना सांगितले की, त्यांनी मोठा आवाज ऐकला आणि अनेक मीटर खोल खड्डा दिसला. सरकारी मालकीच्या प्रसारक सीसीटीव्हीने सांगितले की, बचाव कर्मचाऱ्यांनी ३० लोकांना रुग्णालयात दाखल केले आहे.
