educational news
Educational News:- शिक्षण क्षेत्रामध्ये विद्यार्थ्यांच्या पटसंख्येत घट होताना दिसते व त्यामध्ये सुधारणा व्हावी याकरिता शासनाच्या माध्यमातून अनेक महत्त्वाची पावले उचलण्यात येत आहेत. त्यामुळे आता शिक्षणापासून कोणीही वंचित राहू नये याकरिता अनेक उपाययोजना करण्यात येत आहेत
व त्याचाच एक भाग म्हणून जर उदाहरणादाखल घेतले तर राज्यात मुलींचे उच्च शिक्षण देखील आता संपूर्णपणे मोफत केली जाईल अशी शक्यता आहे. यामध्ये शिक्षणाचा हक्क अधिकार कायदा खूप महत्त्वाचा असून या कायद्यामध्ये शिक्षणाच्या बाबतीत अनेक महत्त्वाच्या गोष्टी आहेत
व त्यानुसार जर पाहिले तर वय वर्ष 6 ते 14 वयोगटातील मुला मुलींना मोफत व सक्तीचे शिक्षण अनिवार्य केले गेले आहे. त्यामुळे आता इयत्ता पहिलीत दाखल होणाऱ्या विद्यार्थ्यांसाठी नेमकी वयोमर्यादा आणि कोणत्या कालावधीत जन्मलेल्या बालकांना यावर्षी पहिलीमध्ये ऍडमिशन मिळेल हे देखील निश्चित करण्यात आलेले आहे.
वयाची सहा वर्षे पूर्ण होणारी बालके यावर्षी यंदा पहिलीत दाखल करण्यात येतील
याबाबत सविस्तर वृत्त असे की, शिक्षणाचा हक्क अधिकार कायद्यानुसार 6 ते 14 वयोगटातील मुला मुलींना मोफत व सक्तीचे शिक्षण अनिवार्य केले गेले असून या वयोगटातील बालकांवर अभ्यासाचा किंवा इतर शैक्षणिक गोष्टींचा जास्तीचा ताण येऊ नये याकरिता 31 डिसेंबर 2024 रोजी ज्या बालकांचे वयाचे सहा वर्ष पूर्ण होणार आहेत अशा बालकांना यावर्षी पहिलीमध्ये ऍडमिशन करता येणार आहे.
सोप्या भाषेत सांगायचे म्हणजे अशा बालकांना आता दाखल पात्र म्हणून समजण्यात येईल. विशेष म्हणजे आरटीईनुसार बघितले तर अशा बालकांना शाळेत दाखल करून घेण्याची मुख्य जबाबदारी ही संबंधित शाळेच्या मुख्याध्यापकांवर असणार आहे.कारण जर आपण पाहिले तर कमी वयामध्ये जर विद्यार्थ्यांच्या शाळेत प्रवेश केला गेला तर त्यावर शैक्षणिक गोष्टींचा अभ्यासाचा जास्त ताण येतो
व त्यामुळे त्यांचा सर्वांगीण विकास होत नाही व शिक्षणाच्या मुख्य प्रवाहापासूनच ते वंचित राहण्याची शक्यता वाढते. त्यामुळे केंद्र सरकारने शैक्षणिक सत्र 2024-25 करिता इयत्ता पहिलीत प्रवेश घेणाऱ्या विद्यार्थ्यांचे वय सहा वर्ष कधीपर्यंत पूर्ण होणे अपेक्षित आहे हे निश्चित केले आहे. त्यामुळे आता त्या कालावधीत जन्मलेल्या बालकांना खाजगी असो किंवा शासकीय शाळा असो त्यामध्ये प्रवेश देता येणार आहे.
कोणत्या कालावधीत जन्मलेल्या बालकांना यावर्षी मिळेल पहिलीत प्रवेश?
त्यामुळे आता या शैक्षणिक वर्षाकरिता प्रवेश देताना सर्व शाळांना एक जुलै 2017 ते 31 डिसेंबर 2018 या कालावधीत ज्या बालकांचा किंवा ज्या मुलांचा जन्म झालेला आहे त्यांनाच यावर्षी पहिलीत प्रवेश देता येणार आहे. कारण या कालावधीप्रमाणे 31 डिसेंबर 2024 पूर्वी संबंधित विद्यार्थी हे सहा वर्षाचे होतील व त्यांना पहिलीत प्रवेश देता येणे शक्य आहे.
नर्सरी ते इयत्ता पहिलीसाठी प्रवेश मिळण्याचे वय
1- नर्सरी करिता वयाची तीन वर्षे पूर्ण होणे गरजेचे आहे.
2- जूनियर केजी करिता वयाचे चार वर्षे पूर्ण होणे गरजेचे आहे.
3- सिनियर केजी करिता वयाची पाच वर्षे पूर्ण होणे गरजेचे आहे.
4- इयत्ता पहिली करिता 31 डिसेंबर २०२४ पर्यंत वयाचे सहा वर्षे पूर्ण होणे गरजेचे आहे.