CDSL Share Price
CDSL Share Price : मंगळवार, 28 जानेवारी 2025 रोजी सेंट्रल डिपॉझिटरी सर्व्हिसेस लिमिटेड (सीडीएसएल) चे शेअर्स 28% पेक्षा अधिक घसरलेत आणि कंपनीचे शेअर्स 1242.50 एन्ट्राडे लो वर आलेत. गेल्या काही दिवसांपासून या कंपनीच्या शेअरमध्ये सातत्याने घसरण होत असून यामुळे गुंतवणूकदार संभ्रमावस्थेत आहेत.
गुंतवणूकदारांमध्ये मोठ्या प्रमाणात अस्वस्थता पाहायला मिळत आहे. मंडळी, कंपनीने गेल्या आठवड्यात डिसेंबर तिमाही निकाल जाहीर केला अन हा निकाल जाहीर झाल्यानंतर सातत्याने या कंपनीचे शेअर्स घसरत आहेत.
खरेतर, कमी व्यवहार शुल्क, ऑनलाइन डेटा फी आणि इतर उत्पन्नामुळे सीडीएसएलचा महसूल 14% घसरला. उच्च कर्मचारी अनुभव आणि संगणक तंत्रज्ञान खर्च इतर खर्चाची अंशतः भरपाई करतात. मार्जिन त्रैमासिक-दर-वेतन 424 बेस पॉईंट्स घसरून 57.8% पर्यंत घसरलेत.
इतर उत्पन्न जवळपास निम्मे झाले अन ज्यामुळे निव्वळ नफ्यात तिमाही दर तिमाही 20% घसरण झाली. उघडलेली शुद्ध खाती गेल्या तिमाहीत 1.18 कोटी होते ते आता 92 लाखांवर आलेत. तसेच ट्रान्झॅक्शन फी उत्पन्न सप्टेंबरमध्ये ₹ 83 कोटी होते ते आता 59 कोटीवर आले आहे.
हेच कारण आहे की या स्टॉकच्या किमतीत सातत्याने घसरण होत आहे. त्यामुळे आता आगामी काळात हा स्टॉक नेमका काय करणार? हा स्टॉक होल्ड करावा की सेल करावा असा प्रश्न गुंतवणूकदारांना पडलाय. दरम्यान आज आपण याच संदर्भात जाणकारांचे म्हणणे नेमके काय आहे? याची सविस्तर माहिती जाणून घेणार आहोत.
ब्रोकरेज फर्म बी अँड के सिक्युरिटीजने सीडीएसएलला त्याच्या मागील रेटिंग ‘होल्ड’ वरून सेल केले आहे. अर्थातच गुंतवणूकदारांना हा स्टॉक सेल करण्याचा सल्ला देण्यात आला आहे. महत्त्वाचे म्हणजे या फर्मने या शेअरचे टारगेट प्राईज देखील कमी केले आहे.
यापूर्वी या फर्मने या स्टॉकसाठी 1,300 रुपयांची टार्गेट प्राईज निश्चित केले होते मात्र आता ही किंमत अकराशे रुपयांपर्यंत कमी करण्यात आली आहे. सुधारित टार्गेट प्राईस बुधवारीच्या शेवटच्या पातळीवरून 18% संभाव्य घट दर्शवते.
सीडीएसएलला कव्हर केलेल्या 10 विश्लेषकांपैकी दोन जणांनी स्टॉकला ‘बाय’ रेटिंग दिली आहे, तर पाच विश्लेषकांनी ‘होल्ड’ रेटिंग दिली आहे आणि उर्वरित तिघांनी स्टॉकवर सेल रेटिंग दिली आहे. हा स्टॉक त्याच्या अलीकडील ₹ 1,989 च्या उच्चांकापेक्षा जवळपास 36% पेक्षा खाली आहे.