file photo
अहमदनगर Live24 टीम, 24 नोव्हेंबर 2021 :- आयपीएलप्रेमी साठी खुशखबर आहे. आयपीएलच्या 2022 च्या सीझनचं वेळापत्रक जवळपास अंतिम झालं आहे. IPL 2022 सीझनची सुरुवात 2 एप्रिलपासून सुरु होणार असल्याची माहिती आहे.
यावेळी आयपीएल स्पर्धेत 10 टीम सहभागी होणार असून पहिला सामना चेन्नईमध्ये होणार आहे. बीसीसीआयकडून आयपीएलचं आयोजन भारतामध्येच केलं जाणार आहे.
आयपीएलच्या 15 व्या सीझनची सुरुवात 2 एप्रिलला चेन्नईमधून होणार आहे. आयपीएलचा हा सीझन 60 दिवस सुरु राहील. आयपीएलची फायनल 4 किंवा 5 जूनला होणार आहे.
या सीझनमध्ये प्रत्येक टीमला 14 मॅच खेळण्याची संधी असेल. त्यापैकी 7 मॅच होम ग्राऊंडवर तर उर्वरीत 7 मॅच दुसऱ्या टीमच्या ग्राऊंडवर होणार आहेत.
आयपीएलच्या 15 व्या सीझनमध्ये लखनऊ आणि अहमदाबादचे दोन संघ सहभागी होतील. त्यामुळं यंदा टीमची संख्या 10 वर पोहोचली आहे. 15 व्या हंगामात एकूण 74 मॅच होणार असल्याची माहिती देण्यात आली आहे.