Aadhaar card : आधार कार्डचा असा वापर केल्यास व्हाल कंगाल !

अहमदनगर Live24 टीम,  06 फेब्रुवारी 2022 :- आधार कार्ड हे देशातील प्रत्येक नागरिकासाठी आवश्यक कागदपत्र बनले आहे. नागरिकांच्या ओळखीसाठी सरकारने काही कागदपत्रे विहित केलेली आहेत. आधार कार्ड त्यापैकीच एक आहे. आजच्या काळात, आधार कार्ड आणि पॅन कार्ड हे सर्वात महत्वाच्या कागदपत्रांपैकी एक आहे. आधार कार्ड सामान्य ओळखपत्र म्हणून जास्त वापरले जाते, तर पॅन कार्ड आर्थिक व्यवहारांसाठी वापरले जाते.(Aadhaar card)

पॅन कार्ड बहुतेक फक्त तेच लोक वापरतात ज्यांचे बँकिंग व्यवहाराशी संबंधित कोणतेही काम आहे. शाळा प्रवेशापासून हॉटेल बुकिंगपर्यंत, हॉस्पिटलायझेशनपासून प्रवासापर्यंत सर्वत्र आधार कार्ड आयडी प्रूफ म्हणून वापरले जाते.

ब्रेकिंग बातम्या मोफत वाचण्यासाठी इथे क्लिक करा

1 कोटीपर्यंतचा दंड होऊ शकतो :- आधार कार्ड UIDAI (युनिक आयडेंटिफिकेशन अथॉरिटी ऑफ इंडिया) द्वारे जारी केले जाते, ही सरकार नियुक्त संस्था आहे. UIDAI ने नागरिकांना इशारा दिला आहे की जर कोणी आधारचा दुरुपयोग केला तर त्याला 1 कोटी रुपयांपर्यंतचा दंड होऊ शकतो.

यासाठी सरकारने नोटीसही बजावली आहे. या नियमानुसार, आधार कार्डचा चुकीचा वापर केल्यास सरकार त्या नागरिकाला एक कोटी रुपयांपर्यंत दंड करू शकते. यासोबतच या दंडाची रक्कम UIDAI च्या फंडात जमा करण्यात येणार आहे.

बँकेकडून कर्ज घेण्यापासून ते आयडी प्रूफपर्यंत सर्वत्र आधारचा वापर केला जातो. अशावेळी त्याचा गैरवापर होऊ शकतो. हे टाळण्यासाठी, UIDAI ने नोव्हेंबर 2021 मध्ये गोपनीयतेचे संरक्षण करण्यासाठी एक कायदा आणला होता, ज्यानुसार नियमांकडे दुर्लक्ष करून आधार कार्डचा गैरवापर करणाऱ्यांवर कठोर कारवाई केली जाईल. यासोबतच आरोपींना एक कोटी रुपयांपर्यंतचा दंडही ठोठावला जाऊ शकतो.

यामुळे निर्णय घेतला :- गेल्या काही वर्षांत डिजिटलायझेशनचा वेग खूप वेगाने वाढला आहे. त्यामुळे सायबर गुन्ह्यांमध्येही झपाट्याने वाढ झाली आहे. या गुन्ह्यांमध्ये अनेकवेळा आधारचा गैरवापरही झाला आहे. अशा परिस्थितीत आधार कार्ड सुरक्षित ठेवण्यासाठी आणि त्याचा गैरवापर टाळण्यासाठी आधारशी संबंधित काही नियम बदलण्यात आले आहेत. हे लक्षात घेऊन हा निर्णय घेण्यात आला आहे.