आपल्या राशीनुसार रुद्राक्ष धारण करा! आयुष्यात होईल मोठा बदल

Importance Of Rudraksh:- रुद्राक्ष हे एक अद्भुत आणि दिव्य मानले जातात. अनेक धार्मिक आणि आध्यात्मिक परंपरांमध्ये रुद्राक्षाला विशेष महत्त्व दिलं जातं. त्याला “शिवाचा आभूषण” असे देखील मानले जाते. यामागील कारण म्हणजे रुद्राक्षाचा संबंध भगवान शिवाशी जोडला जातो. पौराणिक कथेप्रमाणे, रुद्राक्ष भगवान शिवाच्या आशीर्वादाने निर्माण झाला होता व त्यामुळे रुद्राक्ष धारण केल्याने जीवनातील विविध समस्यांपासून मुक्तता मिळू शकते, तसेच यश आणि समृद्धीची प्राप्ती होऊ शकते.

रुद्राक्षाचे प्रकार आणि त्याचे महत्त्व

रुद्राक्ष विविध प्रकारांमध्ये उपलब्ध असून प्रत्येक प्रकाराचा आपल्या राशीशी संबंधित खूप महत्त्व आहे.प्रामुख्याने रुद्राक्षाचे १ ते २१ मुखांमध्ये विभाजन केले जाते. प्रत्येक मुख असलेल्या रुद्राक्षाचा आपल्या राशीवर प्रभाव वेगळा असतो. काही रुद्राक्ष सामान्यतः शांती, सुख, समृद्धी आणि आरोग्यासाठी लाभकारी मानले जातात. तर काही विशिष्ट ग्रहांच्या दोषांवर नियंत्रण ठेवण्यासाठी उपयुक्त ठरतात.

आपल्या राशीनुसार योग्य रुद्राक्ष धारण करणे

1-मेष- मेष राशीच्या लोकांसाठी १० मुखी रुद्राक्ष सर्वोत्तम मानले जाते. हे रुद्राक्ष कार्यक्षमता आणि ध्येय प्राप्तीसाठी उपयुक्त ठरते. तसेच, ते मानसिक शांती आणि शक्ती देते.

2-वृषभ- वृषभ राशीच्या लोकांसाठी ६ मुखी रुद्राक्ष सर्वोत्तम आहे. हे रुद्राक्ष व्यावसायिक जीवनात यश आणि आर्थिक समृद्धी मिळवण्यासाठी फायदेशीर आहे.

3-मिथुन- मिथुन राशीच्या लोकांसाठी ५ मुखी रुद्राक्ष योग्य आहे. हे रुद्राक्ष शारिरीक आणि मानसिक बल देतो, तसेच इतरांशी संवाद साधण्यास मदत करते.

4-कर्क- कर्क राशीच्या लोकांसाठी ४ मुखी रुद्राक्ष उपयुक्त आहे. हे रुद्राक्ष भावनिक स्थिरता आणि आध्यात्मिक उन्नतीसाठी फायदेशीर आहे.

5-सिंह- सिंह राशीच्या लोकांसाठी १२ मुखी रुद्राक्ष योग्य आहे. हे रुद्राक्ष शौर्य, नेतृत्व क्षमता आणि यश प्राप्तीसाठी उपयोगी आहे.

6-कन्या- कन्या राशीच्या लोकांसाठी ८ मुखी रुद्राक्ष उपयुक्त आहे. हे रुद्राक्ष शांती, आरोग्य आणि मनोबल वृद्धीसाठी फायदेशीर ठरते.

7-तुळ- तुला राशीच्या लोकांसाठी ७ मुखी रुद्राक्ष सर्वोत्तम आहे. हे रुद्राक्ष न्याय, समृद्धी आणि शांती मिळवण्यासाठी उपयुक्त आहे.

8-वृश्चिक-वृश्चिक राशीच्या लोकांसाठी २१ मुखी रुद्राक्ष उपयुक्त आहे. हे रुद्राक्ष आपत्ती आणि संकटांचा निवारण करण्यास मदत करते.

9-धनु- धनु राशीच्या लोकांसाठी ५ मुखी रुद्राक्ष योग्य आहे. हे रुद्राक्ष अध्यात्मिक उन्नती आणि मानसिक शांती मिळवण्यासाठी उपयुक्त आहे.

10-मकर- मकर राशीच्या लोकांसाठी ४ मुखी रुद्राक्ष सर्वोत्तम आहे. हे रुद्राक्ष पारिवारिक सुख आणि आरोग्य यासाठी फायदेशीर ठरते.

11-कुंभ-कुंभ राशीच्या लोकांसाठी ११ मुखी रुद्राक्ष उपयुक्त आहे. हे रुद्राक्ष मानसिक शांती, प्रगती आणि शौर्य प्राप्तीसाठी उपयोगी आहे.

12-मीन-मीन राशीच्या लोकांसाठी ३ मुखी रुद्राक्ष योग्य आहे. हे रुद्राक्ष आध्यात्मिक प्रगती, शांती आणि सकारात्मक ऊर्जा प्राप्त करण्यासाठी उपयुक्त ठरते.

रुद्राक्ष धारण करण्याचे फायदे

1-व्यक्तिगत जीवनात शांती: रुद्राक्ष धारण केल्याने मानसिक शांती मिळते. अनेक लोक असे मानतात की रुद्राक्ष किव्हा त्याची मण्यं ध्यान आणि साधनेसाठी वापरणे, त्यांच्या जीवनातील तणाव आणि चिंतेला दूर करतात.

2-प्रेरणा आणि यश: योग्य राशीच्या रुद्राक्षाने आपल्या जीवनात प्रेरणा आणता येते. या रुद्राक्षाचा वापर केला की आपल्याला आपल्या ध्येयाकडे अधिक लक्ष केंद्रित करण्याची क्षमता मिळते.

3-समृद्धी आणि धन: काही रुद्राक्ष विशिष्ट ग्रहांच्या प्रभावामुळे आर्थिक समृद्धी मिळवण्यास मदत करतात. यामुळे आर्थिक अडचणी आणि कर्जाच्या समस्या दूर होऊ शकतात.

4-आरोग्य फायदे: रुद्राक्ष धारण केल्याने आरोग्य समस्यांवर नियंत्रण मिळवता येते. ते शरीरातील नकारात्मक ऊर्जा नष्ट करून शरीरात सकारात्मक ऊर्जा निर्माण करतात.

रुद्राक्ष धारण करण्याची पद्धत

रुद्राक्ष धारण करण्यासाठी काही पद्धती आणि नियम आहेत. त्यानुसार रुद्राक्षची पूजा, स्नान, आणि पवित्रतेची शुद्धता राखून त्याचे श्रध्देने पालन केले जाते. रुद्राक्ष धारण करण्यापूर्वी त्याची शुद्धता आणि त्याच्या मण्यांच्या वापराची योग्य पद्धत जाणून घेतली पाहिजे.