Post Office Scheme | पोस्ट ऑफिस विविध प्रकारच्या बचत योजना राबवते, टाईम डिपॉझिट योजना ही देखील पोस्टाची एक लोकप्रिय बचत योजना आहे. या योजनेचे स्वरूप बँकेच्या एफडी योजनेप्रमाणे असून याला पोस्टाची एफडी योजना म्हणून ओळखतात. पोस्ट ऑफिसच्या मुदत ठेवी (एफडी) योजना सुरक्षित गुंतवणुकीसाठी प्रसिद्ध आहेत. पोस्ट ऑफिसची FD योजना ही एक वर्ष, दोन वर्ष, तीन वर्ष आणि पाच वर्ष मुदतीची आहे.
पोस्टाच्या एका वर्षाच्या एफडी मध्ये गुंतवणूक केल्यास गुंतवणूकदारांना 6.9% ने, दोन वर्षांच्या एफडी योजनेत गुंतवणूक केल्यास गुंतवणूकदारांना सात टक्के दराने, तीन वर्षांच्या एफडी योजनेत गुंतवणूक केल्यास 7.10% दराने आणि पाच वर्षांच्या एफडी योजनेत गुंतवणूक केल्यास गुंतवणूकदारांना 7.50% दराने परतावा दिला जात आहे.
दरम्यान आता आपण पोस्टाच्या तीन वर्षांच्या एफडी योजनेची माहिती पाहणार आहोत. पोस्ट ऑफिसच्या 3 वर्षांच्या एफडीमध्ये जर एखाद्या गुंतवणूकदाराने 2 लाख, 4 लाख अन 10 लाख रुपये जमा केले तर त्याला किती परतावा मिळेल, याबाबत माहिती जाणून घेऊयात.
पोस्ट ऑफिस एफडी व्याजदर
पोस्टाच्या एका वर्षाच्या एफडी मध्ये गुंतवणूक केल्यास गुंतवणूकदारांना 6.9% दराने, 2 वर्षांच्या एफडी योजनेत गुंतवणूक केल्यास गुंतवणूकदारांना सात टक्के दराने, तीन वर्षांच्या एफडी योजनेत गुंतवणूक केल्यास 7.10% दराने आणि पाच वर्षांच्या एफडी योजनेत गुंतवणूक केल्यास गुंतवणूकदारांना 7.50% दराने परतावा दिला जात आहे.
2 लाख गुंतवल्यास किती रिटर्न मिळणार?
गुंतवणूक रक्कम : ₹2,00,000
वार्षिक व्याजदर : 7.1%
मुदत : 3 वर्षे
परिपक्वतेवेळी एकूण रक्कम : सुमारे ₹2,47,230 (व्याजासह)
निव्वळ परतावा: ₹47,230
4 लाख रुपये गुंतवणूक केली तर किती रिटर्न मिळणार?
पोस्टाच्या 3 वर्षांच्या टाईम डिपॉझिट योजनेत म्हणजेच एफडी योजनेत चार लाख रुपयांची गुंतवणूक केली तर गुंतवणूकदाराला वार्षिक 7.1% व्याजदराने परीपक्वतेवेळी तर चार लाख 94 हजार 30 रुपये मिळणार आहेत. म्हणजेच गुंतवणूकदाराला 94 हजार 30 रुपये रिटर्न म्हणून मिळणार आहेत.
10 लाख रुपये गुंतवणूक केली तर किती रिटर्न मिळणार?
पोस्टाच्या 3 वर्षांच्या टाईम डिपॉझिट योजनेत म्हणजेच एफडी योजनेत 10 लाख रुपयांची गुंतवणूक केली तर गुंतवणूकदाराला वार्षिक 7.1% व्याजदराने परीपक्वतेवेळी तर 12 लाख 35 हजार 75 रुपये मिळणार आहेत. म्हणजेच गुंतवणूकदाराला 2 लाख 35 हजार 75 रुपये रिटर्न म्हणून मिळणार आहेत.
पोस्ट ऑफिस एफडीचे फायदे
सरकारी हमी : पोस्ट ऑफिसच्या एफडीला भारत सरकारची हमी असल्यामुळे ती पूर्णपणे सुरक्षित गुंतवणूक योजना आहे.
टॅक्स बेनिफिट्स : 5 वर्षांच्या एफडीवर कलम 80 सी अंतर्गत कर सवलत मिळू शकते. मात्र, 3 वर्षांच्या एफडीसाठी ही सवलत लागू नाही.
