अहमदनगर Live24 टीम, 11 फेब्रुवारी 2022 :- इंडियन रेल्वे केटरिंग अँड टुरिझम कॉर्पोरेशन (IRCTC) द्वारे चालवली जाणारी अत्यंत लोकप्रिय ट्रेन ‘श्री रामायण यात्रा’ तिच्या पुढील प्रवासासाठी सज्ज झाली आहे. ही ट्रेन पुन्हा एकदा 22 फेब्रुवारी रोजी दिल्ली सफदरजंग रेल्वे स्थानकावरून सुटेल. भारतीय रेल्वेच्या अनोख्या योजनेअंतर्गत प्रभू श्री राम यांच्या जीवनाशी संबंधित स्थळांच्या पर्यटनासाठी हे सुरू करण्यात येत आहे.(Shri Ramayana Yatra)
ही ट्रेन 19 रात्री आणि 20 दिवसात आपला प्रवास पूर्ण करेल. या पवित्र प्रवासात तुम्ही भगवान रामाच्या जीवनाशी संबंधित सर्व ठिकाणांना भेट देऊ शकाल. यापूर्वीही या यात्रेचे आयोजन करण्यात आले होते, जे पर्यटकांना खूप आवडले होते.
आता ही ट्रेन पुन्हा धावण्यासाठी सज्ज झाली आहे. भारतीय रेल्वेची ही ट्रेन एक डिलक्स एसी टुरिस्ट ट्रेन आहे, ज्यामध्ये फर्स्ट एसी आणि सेकंड एसी क्लास आहेत. जाणून घ्या या प्रवासासाठी तिकीट कसे काढायचे आणि या ट्रेनमध्ये कोणत्या सुविधा आहेत…
ट्रेनमध्ये या सुविधा उपलब्ध असतील :- ट्रेनमध्ये दोन आलिशान डायनिंग रेस्टॉरंट्स, स्वच्छ स्वयंपाकघर, प्रत्येक डब्यात शॉवर क्यूबिकल्स, सेन्सर-आधारित वॉशरूम फंक्शन, प्रवाशांसाठी फूट मसाजर आणि मिनी-लायब्ररी अशा अनेक सुविधा आहेत. तसेच प्रवाशांच्या सुरक्षेचा विचार करून ट्रेनमध्ये सीसीटीव्ही कॅमेरे, इलेक्ट्रॉनिक तिजोरी, प्रत्येक डब्यासाठी सुरक्षा रक्षक यांसारख्या सुरक्षेच्या सुविधा देण्यात येणार आहेत.
तसेच प्रवासादरम्यान आरोग्याच्या सर्व आवश्यक उपाययोजना केल्या जातील. कोरोनामुळे सुरक्षिततेच्या दृष्टीने 18 वर्षे व त्यावरील प्रवाशांसाठी कोरोना लसीकरण अनिवार्य आहे. याशिवाय सर्व प्रोटोकॉलची काळजी घेतली जाईल.
भाडे किती आहे :- श्री रामायण यात्रा डिलक्स ट्रेनचे भाडे सेकंड एसीमध्ये प्रति व्यक्ती 99,475 रुपये आणि फर्स्ट क्लास एसीसाठी 1,21,735 रुपये आहे. या भाड्यात एसी डब्यातील रेल्वे प्रवास, एसी हॉटेल्समधील निवास, शाकाहारी भोजन, एसी वाहनांमधील रस्त्याने प्रवास, प्रेक्षणीय स्थळे, प्रवास विमा आणि प्रत्येक प्रवाशाला IRCTC टूर व्यवस्थापकांच्या सेवा इत्यादींचा समावेश आहे.
प्रवास कसा बुक करायचा? :- या प्रवासाच्या बुकिंगसाठी, तुम्ही IRCTC च्या अधिकृत वेबसाइट https://www.irctctourism.com वर जाऊन या ट्रेनचे ऑनलाइन तिकीट बुक करू शकता.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम