Marathi News : ग्रीकांनी इ.स.पू. ६०० च्या सुमारास कोरिंथच्या संपूर्ण इस्थमसला ओलांडणारा आणि दगडाने अर्धवट पक्का झालेला ‘डायल्कोस’ हा महत्त्वाकांक्षी रस्ता बांधला होता. त्या काळी आयोनियन आणि एजियनदरम्यान प्रवास करणाऱ्या जहाजांना अंदाजे २१२ मैल (३४० किमी) चा धोकादायक आणि वादळी मार्ग असलेल्या पेलोपोनीजची प्रदक्षिणा करावी लागत असे.
यावर उपाय म्हणजे कोरिंथच्या आखातातील बंदर (आयोनियन समुद्र) आणि सरोनिक आखातातील बंदर (एजियन समुद्र) यांच्यादरम्यान डायल्कोस, दगडी पक्का रस्ता हा बनला. पुरातत्त्वीय पुराव्यांनुसार असे दिसते की, एका बंदरातून दुसऱ्या बंदरात बोटी किंवा माल (किंवा दोन्ही) चाकाच्या उपकरणांवर लादले जायचे. आणि इस्थमसच्या पलीकडे खेचले जायचे. रस्त्याच्या एका भागात खंदकासारखे ट्रॅक होत.
त्यामुळे इतिहासातील सर्वात जुन्या ज्ञात रेल्वेपैकी एक मानले जाते. कोरिंथियन एफोरेट ऑफ एन्टिक्विटीजचे सहाय्यक संचालक डॉ. जॉर्जिओस स्पायरोपोलोस म्हणतात, डिओल्कोस हा सरोनिकपासून कोरिंथियन आखातात माल आणि युद्धनौकांची वाहतूक सुलभ करण्याचा पहिला पद्धतशीर प्रय त्न होता. प्राचीन काळातील सर्वात मोठी तांत्रिक उपलब्धी पैकी एक, प्राचीन मार्ग सध्याच्या कोरिंथ कालव्याला जवळजवळ समांतर होता.
आश्चर्याची गोष्ट म्हणजे, मार्गाचे अवशेष अजूनही कोरिंथच्या आसपासच्या काही ठिकाणी, प्रामुख्याने ‘स्कूल ऑफ इंजिनीअरिंग’च्या मालमत्तेवर स्पष्टपणे दिसतात. एक दगडी रॅम्प होता जिथे पूर्वेकडे जाणारी जहाजे डिओल्कोसच्या वायव्य टोकाला पोहोचत असत. त्यानंतर गुलाम त्यांना रॅम्पवर खेचण्यासाठी प्रचंड दोरीचा वापर करत. त्यानंतर माल रॅम्पवर उभ्या असलेल्या भक्कम लाकडी फ्रेमवर ओढला जात असे.