अहमदनगर Live24 टीम, 07 फेब्रुवारी 2021:- जर वारंवार सांगूनही बँक आपली तक्रार सोडवत नसेल तर आपण आरबीआयकडे तक्रार देऊ शकता. यासाठी रिझर्व्ह बँक ऑफ इंडियाने (आरबीआय) आपल्या वेबसाइटवर सीएमएस सुरू केले आहेत.
या पोर्टलच्या माध्यमातून आपण बँका आणि नॉन-बँकिंग वित्तीय कंपन्या (एनबीएफसी) यासह सर्व वित्तीय सेवा कंपन्यांच्या तक्रारी नोंदवू शकता.
कोणकोणत्या समस्यांसाठी तक्रार केली जाऊ शकते आणि तक्रार कशी करावी याबद्दल जाणून घेऊयात – आरबीआयच्या वेबसाइटवर दिलेल्या माहितीनुसार, धनादेश, ड्राफ्ट, बिलाची देयके किंवा कलेक्‍शन मध्ये उशीर, छोट्या नोटा न स्वीकारणे, रेमिटेंसच्या पेमेंट्सला न स्वीकारणे, ड्राफ्ट जारी करण्यास विलंब किंवा अपयश,
लेखा परीक्षक किंवा बँकर्सचे धनादेश, वचनानुसार बँकिंग सेवा वितरित करण्यास उशीर किंवा असमर्थता, विनाकारण डिपॉजिट अकाउंट बनवण्यास नकार, मोबाइल बँकिंगच्या संदर्भात आरबीआयच्या सूचना, सूचना न देता डिपॉजिट अकाउंट बंद करणे, रिकव्हरी एजंट्सची सेवा घेताना आरबीआयच्या नियमांचे पालन न करणे आदी. बाबतीत तुम्ही तक्रार करू शकता.
आपण लोकपालाकडे कधी तक्रार करू शकता? :- तक्रार मिळाल्यानंतर एक महिन्यांनंतरही जर तुमची बँक प्रतिसाद देत नसेल किंवा त्यास नकार देत असेल किंवा आपण त्यास दिलेल्या प्रतिसादाने समाधानी नसेल तर तुम्ही लोकपालचा दरवाजा ठोठावू शकता.
लोकपाल अधिकारी यांच्याकडे घरबसल्या तक्रार द्या :- आपण https://cms.rbi.org.in या संकेतस्थळाशिवाय अ‍ॅपवर तक्रार नोंदवू शकतो.
बँकिंग ग्राहकांना जून 2021 पासून प्रथमच बरेच अधिकार मिळतील:- रिझर्व्ह बँक ऑफ इंडियाने (आरबीआय) बँका, नॉन-बँकिंग वित्तीय कंपन्या आणि नॉन-बँक प्रीपेड इन्स्ट्रुमेंट्स (प्री-पेड कार्ड जारीकर्ता) यांचेसाठी वेगवेगळे लोकपाल प्लॅटफॉर्म आणण्याचा प्रस्ताव दिला आहे. लवकरच या तिघांऐवजी ग्राहकांच्या तक्रारी दूर करण्यासाठी एक लोकपाल योजना तयार केली जाईल. एकात्मिक लोकपाल योजना जून, 2021 मध्ये जाहीर केली जाईल.