गेल्या एक महिन्यापासून सुरु असलेल्या विश्वचषक 2023 चा अंतिम सामना 19 नोव्हेंबर रोजी अहमदाबादच्या नरेंद्र मोदी स्टेडियमवर खेळवला जाईल. भारत आणि ऑस्ट्रेलियाचे संघ अंतिम फेरीत आमनेसामने येणार आहेत.
या स्पर्धेत भारतीय संघ जबरदस्त फॉर्ममध्ये दिसत असून भारताने सर्व संघांना पराभूत केले आहे. आता अंतिम सामन्यात ऑस्ट्रेलियाला पराभूत करून भारतीय संघ तिसऱ्यांदा वनडे विश्वचषक जिंकू इच्छितो
दरम्यान माजी क्रिकेटपटू गौतम गंभीरच्या म्हणण्यानुसार, यावेळी अंतिम सामन्यात कर्णधार रोहित शर्मा आणि विराट कोहली नसून एक नवा खेळाडू टीम इंडियासाठी गेम चेंजर असेल.
गौतम गंभीरच्या मते, विश्वचषक 2023 च्या अंतिम सामन्यात रोहित किंवा विराट नसून श्रेयस अय्यर असेल जो टीम इंडियाचा गेम चेंजर ठरेल. अलीकडेच गौतम गंभीर म्हणाला होता की श्रेयस अय्यर माझ्यासाठी विश्वचषकातील सर्वात मोठा गेम चेंजर आहे.
दुखापतीनंतर त्याने संघात स्थान मिळवले आणि अवघ्या 70 चेंडूत शतक झळकावले आणि बाद फेरीतील त्याची ही शानदार खेळी ठरली. अॅडम झाम्पा आणि ग्लेन मॅक्सवेल अंतिम सामन्यात गोलंदाजी करताना अय्यर हा महत्त्वाचा खेळाडू असल्याचे सिद्ध होईल.
आत्तापर्यंत श्रेयसने २०२३ च्या विश्वचषक स्पर्धेत १० सामने खेळले असून त्यात २ शतके आणि ३ अर्धशतकांसह ५२६ धावा केल्या आहेत.विश्वचषक 2023 च्या सुरुवातीच्या सामन्यांमध्ये अय्यर थोडा अडचणीत होता. पण आता तो फॉर्मात आला आहे,
त्याने दोन बॅक टू बॅक शतके झळकावली आहेत. उपांत्य फेरीत न्यूझीलंडविरुद्धचे त्याचे शतक खूप खास होते. श्रेयस फिरकीपटूंना चांगला खेळवतो, त्यामुळे आता पुन्हा एकदा अय्यर ऑस्ट्रेलियन स्पिनर्सविरुद्ध मोठे फटके खेळेल अशी अपेक्षा आहे.
भारत आणि ऑस्ट्रेलिया २० वर्षांनंतर वर्ल्ड कपच्या फायनलमध्ये भिडणार आहेत. याआधी हे दोन्ही संघ 2003 च्या एकदिवसीय विश्वचषकात आमनेसामने आले होते.
या सामन्यात ऑस्ट्रेलियाने भारताचा पराभव करत विश्वचषक जिंकला होता. आता रोहित शर्माच्या नेतृत्वाखालील भारतीय संघाकडे त्या पराभवाचा बदला घेण्याची सुवर्णसंधी आहे.