T20 World Cup:  आशिया कपमध्ये (Asia Cup) भारताची (India) कामगिरी काही खास नव्हती. सुपर-4 फेरीतच पराभूत होऊन संघ बाहेर पडला.

सामन्यानंतर कर्णधार रोहित शर्माने (Rohit Sharma) सांगितले की, टीम इंडियाचे संपूर्ण लक्ष आता पुढील महिन्यात सुरू होणाऱ्या टी-20 विश्वचषकावर ( T20 World Cup) असेल. भारतीय संघाला या स्पर्धेत चांगली कामगिरी करायची आहे.

वर्ल्डकपपूर्वी टीम इंडियाला ऑस्ट्रेलिया (South Africa) आणि दक्षिण आफ्रिकेविरुद्ध (Australia) मायदेशात दोन मालिकाही खेळायच्या आहेत. टीम इंडियाच्या सरावासाठी या दोन्ही मालिका महत्त्वाच्या ठरणार आहेत.

ऑस्ट्रेलियाविरुद्धची मालिका 20 सप्टेंबरपासून सुरू होणार आहे. याआधी म्हणजेच पुढील आठवड्यात भारतीय निवडकर्ते टी-20 विश्वचषकासाठी संघाची घोषणा करतील. अशा परिस्थितीत, ऑस्ट्रेलिया आणि दक्षिण आफ्रिकेविरुद्धच्या टी-20 मालिकेसाठी निवडकर्ते त्याच टी-20 विश्वचषक संघाची निवड करतात की इतर खेळाडूंना संधी दिली जाते आणि त्या मालिकेतही त्याचा वापर केला जातो, हे पाहण्यासारखे आहे.

आशिया चषकात भारतीय संघाच्या खराब कामगिरीनंतर लोकांच्या मनात अनेक प्रश्न निर्माण होत आहेत, ज्यांची उत्तरे शोधण्याची गरज आहे. या प्रश्नांची उत्तरे शोधल्याशिवाय भारतीय संघासाठी पुढील वाटचाल सोपी होणार नाही. हे आहेत प्रश्न

1. दिनेश कार्तिक आणि ऋषभ पंत यांच्यात कोणाला संधी मिळणार?

भारतीय संघ यंदाच्या आयपीएलपासून ऋषभ पंत आणि दिनेश कार्तिक या दोघांना पर्यायी संधी देत आहे. टी-20 विश्वचषकासाठीही दोघांवर भरवसा ठेवला जाईल, असे मानले जात आहे.

गरज भासल्यास पंतला यष्टिरक्षक आणि कार्तिकला फिनिशर म्हणून संधी मिळू शकते तसेच, भारताला कोणत्या स्थानासाठी खेळाडूची गरज आहे यावरही दोघांची निवड अवलंबून असेल. फिनिशरसाठी कार्तिक हा एक चांगला पर्याय असेल, तर मधल्या फळीसाठी पंतवर विश्वास ठेवला जाऊ शकतो. आता कोणाला संधी दिली जाते हे पुढच्या आठवड्यातच कळेल.

2. जसप्रीत बुमराह आणि हर्षल पटेल पूर्णपणे फिट होतील का?

जसप्रीत बुमराहला आशिया चषकापूर्वी दुखापत झाली होती. तो पाठीच्या खालच्या दुखापतीच्या समस्येशी झुंज देत आहे. मीडिया रिपोर्ट्सनुसार, बुमराह अद्याप तंदुरुस्त नाही आणि राष्ट्रीय क्रिकेट अकादमीमध्ये त्याच्या फिटनेसवर काम करत आहे. अशा परिस्थितीत संघ निवडताना निवडकर्ते त्यांच्या फिटनेसची पूर्ण काळजी घेतील.

आशिया कपमधील प्लेइंग-11 मध्ये बुमराहच्या अनुपस्थितीचा फटका टीम इंडियाला बसला आहे. अशा परिस्थितीत बुमराहने लवकरात लवकर तंदुरुस्त व्हावे आणि विश्वचषकापूर्वी ऑस्ट्रेलिया आणि दक्षिण आफ्रिकेविरुद्धची मालिका खेळावी, अशी निवडकर्त्यांची इच्छा आहे.

आता बुमराह किती दिवस तंदुरुस्त होतो हे पाहणे महत्त्वाचे ठरेल. तो फिट झाला तरी त्याला मॅच सरावाची गरज भासेल. त्याची अनुपस्थिती टीम इंडियासाठी अडचणीत येऊ शकते. त्याचवेळी हर्षल पटेल तंदुरुस्त झाला असून आगामी घरच्या मालिकेसाठी तो उपलब्ध होणार आहे.

3. विश्वचषकाच्या प्लॅनमध्ये मोहम्मद शमीचा समावेश आहे का?

बुमराहने पुनरागमन केल्यास त्याची, भुवनेश्वर कुमार, अर्शदीप सिंग आणि हर्षल पटेल यांची निवड होणे जवळपास निश्चित आहे. अशा स्थितीत मोहम्मद शमी भारतीय संघात आहे की नाही, संघ नियोजनात आहे की नाही हे पाहिले जाईल.

माजी प्रशिक्षक रवी शास्त्री यांनी आशिया चषकासाठी शमीचा संघात समावेश न केल्याने निवडकर्त्यांवर टीका केली होती. शमीने आयपीएलमध्ये चमकदार कामगिरी केली होती. अशा परिस्थितीत तो डेथ ओव्हर्स आणि पॉवरप्लेमध्ये टीम इंडियासाठी महत्त्वाचा ठरू शकतो.

4. रवी बिश्नोई की रविचंद्रन, कोणाला मिळणार संधी?

युझवेंद्र चहलची टी-T20  विश्वचषकासाठी निवड होणे जवळपास निश्चित झाले आहे. रवींद्र जडेजाच्या फिटवर सस्पेन्स कायम आहे. अशा स्थितीत जडेजा तंदुरुस्त नसेल तर टीम इंडियाच्या फिरकीचे पर्याय काय असतील हे पाहायला मिळेल.

अक्षर पटेलचा समावेश होणार का? अन्यथा रविचंद्रन अश्विन आणि रवी बिश्नोई यांचा संघात समावेश केला जाईल. पाकिस्तानविरुद्धच्या सामन्यात बिश्नोईची कामगिरी चमकदार होती. मात्र, अश्विनच्या अनुभवामुळे त्याला संघात स्थान मिळू शकते. मात्र, हे पुढच्या आठवड्यातच कळेल