Flipkart Sale : जर तुम्ही नवीन वर्षात स्वतःसाठी मोबाईल घेऊ इच्छित असाल तर तुमच्यासाठी ही एक उत्तम संधी आहे. सध्या फ्लिपकार्टवर रिपब्लिक डे सेल सुरू झाला आहे. या सेलअंतर्गत ग्राहकांना मोबाईल स्वस्त दारात मिळत आहेत, अशातच जर तुम्ही iPhone घेण्याचा विचार करत असाल तरी देखील ही संधी चांगली आहे, कारण या सेलमध्ये तुम्हाला iPhone देखील स्वस्त दरात मिळत आहेत.
फ्लिपकार्ट रिपब्लिक डे सेल अंतर्गत 80 हजार रुपयांच्या किमतीत लॉन्च झालेला iPhone 15 सध्या ई-कॉमर्स प्लॅटफॉर्म फ्लिपकार्टवर 65,000 रुपयांपेक्षा कमी किमतीत उपलब्ध आहे. तसेच बँक आणि एक्सचेंज ऑफरचा फायदा घेऊन तुम्ही त्याची किंमत आणखी कमी करू शकता. तुमच्या माहितीसाठी iPhone 15 128GB मॉडेल अजूनही Apple च्या अधिकृत साइटवर 79,900 रुपयांमध्ये उपलब्ध आहे. अशातच फ्लिपकार्टवर सुरु असलेल्या या सेलबद्दल सविस्तर जाणून घेऊया…
फ्लिपकार्ट मोबाइल मोबाईल अ‍ॅपवर सूचीबद्ध केलेल्या बॅनरनुसार, iPhone 15 फ्लिपकार्टवरून 63,999 रुपयांमध्ये खरेदी केला जाऊ शकतो. 79,900 रुपये किमतीचा iPhone 15, सेलमध्ये 65,999 रुपयांना उपलब्ध होईल आणि 2000 रुपयांच्या बँक ऑफरनंतर त्याची प्रभावी किंमत 63,999 रुपये होईल. याचा अर्थ तुम्ही लाँच किंमतीपेक्षा 15,901 रुपये कमी किंमतीत हा फोन खरेदी करू शकता.
एवढेच नाही तर फ्लिपकार्ट फोनवर 54,990 रुपयांपर्यंतचा एक्सचेंज बोनस देखील देत आहे. परंतु संपूर्ण एक्सचेंज मिळविण्यासाठी, तुम्हाला आयफोन 14 प्रो मॅक्स एक्सचेंज करावा लागेल, जे शहाणपणाचे ठरणार नाही. तुम्हाला एक्सचेंज बोनस मिळत नसला तरीही, नवीन iPhone 15 वर सुमारे 16,000 रुपयांची सूट मिळत आहे.
iPhone 15 ची वैशिष्ट्ये
iPhone 15 मध्ये ProMotion सह 6.7-इंचाचा सुपर रेटिना XDR डिस्प्ले आहे. फोन नवीनतम A16 बायोनिक चिपसह सुसज्ज आहे आणि प्रगत ड्युअल कॅमेरा सेटअपसह येतो, ज्यामध्ये 48-मेगापिक्सेलचा मुख्य कॅमेरा आणि 12-मेगापिक्सेलचा दुय्यम कॅमेरा आहे. सेल्फीसाठी फोनमध्ये 12 मेगापिक्सेल कॅमेरा देखील आहे. फोन डायनॅमिक आयलंडसह येतो, जो सूचनांनुसार त्याचा आकार बदलतो. नवीन iPhone 15 मॉडेल चार्जिंगसाठी USB Type-C पोर्टसह येतो. या व्यतिरिक्त फोन मध्ये भरपूर वैशिष्ट्ये तुम्हाला पाहायला मिळतील.