Google Search Tips : गूगलमुळे आजच्या युगात माहिती सहज उपलब्ध होते. मात्र, काही गोष्टी सर्च करणे तुम्हाला अडचणीत टाकू शकते. कायद्याच्या चौकटीत न बसणाऱ्या आणि धोकादायक शोधांमुळे तुम्हाला शिक्षा होऊ शकते. खालील पाच गोष्टी गूगलवर चुकूनही सर्च करू नका
1. बॉम्ब किंवा शस्त्र
बॉम्ब किंवा कोणतेही घातक शस्त्र बनवण्याची माहिती शोधणे हे बेकायदेशीर आहे. असे सर्च केल्याने तुम्ही सुरक्षा यंत्रणांच्या रडारवर येऊ शकता आणि तुमच्यावर कठोर कारवाई होऊ शकते. राष्ट्रीय सुरक्षा आणि दहशतवादाशी संबंधित कोणतीही माहिती शोधल्यास गुप्तचर विभाग तुमच्या हालचालींवर लक्ष ठेवू शकतो.
2. गर्भपात
गर्भपाताबाबत माहिती शोधणे हा मोठा धोका ठरू शकतो. भारतामध्ये डॉक्टरांच्या परवानगीशिवाय गर्भपात करणे बेकायदेशीर आहे. तसेच, अनेकदा गूगलवरील माहिती चुकीची किंवा दिशाभूल करणारी असते. त्यामुळे वैद्यकीय सल्ल्याशिवाय कोणतीही कृती टाळावी.
3. पायरेटेड फिल्म
भारतामध्ये पायरेसी गुन्हा आहे. जर तुम्ही गूगलवर पायरेटेड फिल्म्स किंवा टोरेंट लिंक सर्च केल्या, तर तुम्हाला 10 लाख रुपये दंड आणि 3 वर्षांपर्यंत तुरुंगवासाची शिक्षा होऊ शकते. त्याचबरोबर, अनेक पायरेटेड वेबसाइट्समध्ये व्हायरस आणि मालवेअरचा धोका असतो, ज्यामुळे तुमच्या वैयक्तिक माहितीचा गैरवापर होऊ शकतो.
4. चाईल्ड पॉर्न
भारतामध्ये अल्पवयीन मुलांच्या सुरक्षेसाठी कठोर कायदे आहेत. जर तुम्ही चाईल्ड पॉर्न किंवा चाईल्ड क्राइमसंबंधी काहीही सर्च केले, तर POCSO अॅक्ट 2012 च्या कलम 14 अंतर्गत तुम्हाला तुरुंगवास होऊ शकतो. शिवाय, अशा गोष्टी सर्च केल्याने तुमचा आयपी अॅड्रेस ट्रॅक केला जाऊ शकतो, आणि पोलिसांकडून चौकशी होऊ शकते.
5. पीडितेचे नाव किंवा हॅकिंग
कोणत्याही गुन्ह्याच्या पीडित व्यक्तीचे नाव, ओळख किंवा संबंधित माहिती शोधणे हा गुन्हा आहे. याशिवाय, हॅकिंग किंवा स्पॅमिंगसंदर्भात माहिती शोधणेही कायद्याच्या कचाट्यात टाकू शकते. हॅकिंगशी संबंधित वेबसाइट्स भेट दिल्यास तुमचा संगणक किंवा मोबाइल हॅक होण्याची शक्यता असते.
धोकादायक शोध कोणते आहेत ?
याशिवाय, खालील गोष्टी सर्च करणे देखील टाळावे:
औषधांशिवाय विकत घेता येणारी ड्रग्स आणि नशेचे पदार्थ – भारतात हे बेकायदेशीर आहे.
घोटाळे आणि फसवणूक करण्याच्या युक्त्या – सायबर गुन्हे शाखेच्या रडारवर येऊ शकता.
गुप्तचर यंत्रणांबद्दल संवेदनशील माहिती – हे देशाच्या सुरक्षेसाठी धोकादायक आहे.
गूगलचा वापर माहिती मिळवण्यासाठी केला जातो, पण काही गोष्टी सर्च करणे कायदेशीर गुन्हा ठरू शकतो. त्यामुळे कोणत्याही संशयास्पद किंवा बेकायदेशीर गोष्टी शोधण्यापासून स्वतःला रोखा आणि सुरक्षित इंटरनेट ब्राउझिंग करा!