OnePlus Mobile Phones : प्रीमियम टेक ब्रँड OnePlus ने भारतीय बाजारपेठेत शक्तिशाली वैशिष्ट्यांसह 5G स्मार्टफोन सेगमेंटमध्ये आपली छाप पाडली आहे. कपंनीने वापरकर्त्यांच्या गरजा समजून घेऊन, अनेक उत्तम स्मार्टफोन बाजारात लॉन्च केले आहेत. असाच एक फोन म्हणजे OnePlus Nord CE 3 Lite 5G, हा फोन आता ग्राहकांकडे स्वस्तात खरेदी करण्याची उत्तम संधी आहे.
OnePlus ने आपला Nord CE 3 Lite 5G स्मार्टफोन 20,000 पेक्षा कमी किमतीत 108MP ट्रिपल कॅमेरा सेटअपसह लॉन्च केला होता. या फोनवर आता विशेष सवलतीचा लाभ दिला जात आहे. 8GB रॅम आणि 128GB स्टोरेजसह स्मार्टफोनचा बेस व्हेरिएंट कंपनीने 19,999 रुपयांच्या किंमतीला लॉन्च केला होता, तर 8GB रॅमसह 256GB रॅम व्हेरिएंटची किंमत 21,999 रुपये आहे.
OnePlus चे बजेट डिव्हाइस कंपनीच्या वेबसाइटवर आणि ऑनलाइन शॉपिंग प्लॅटफॉर्म Amazon वर ग्राहकांसाठी 17,499 रुपयांच्या सुरुवातीच्या किमतीत सूचीबद्ध केले आहेत. याशिवाय, एचडीएफसी बँक, आयडीएफसी फर्स्ट बँक, आयसीआयसीआय बँक आणि वनकार्ड सारख्या पर्यायांद्वारे पेमेंट केल्यास, 1,250 रुपयांची त्वरित सूट दिली जात आहे, त्यानंतर हा फोन तुम्ही 16 हजार रुपयांमध्ये खरेदी करू शकता.
बँक सवलतीचा पर्याय म्हणून, ग्राहक त्यांच्या जुन्या फोनची देवाणघेवाण करून 16,000 रुपयांपेक्षा जास्त एक्स्चेंज सवलत मिळवू शकतात, ज्याचे मूल्य जुन्या फोनच्या मॉडेल आणि स्थितीवर अवलंबून असेल.
Nord CE 3 Lite 5G वैशिष्ट्ये
OnePlus स्मार्टफोनमध्ये 120Hz रिफ्रेश रेट आणि 680nits च्या पीक ब्राइटनेससह मोठा 6.72-इंचाचा डिस्प्ले आहे. चांगल्या कामगिरीसाठी, ते क्वालकॉम स्नॅपड्रॅगन 695 5G प्रोसेसरसह येते. 108MP मुख्य कॅमेरा व्यतिरिक्त, 2MP डेप्थ सेन्सर आणि 2MP मॅक्रो लेन्स बॅक पॅनलवर प्रदान करण्यात आला आहे. यात सेल्फी आणि व्हिडिओ कॉलिंगसाठी 16MP फ्रंट कॅमेरा आहे. फोनच्या 5000mAh बॅटरीला 67W फास्ट चार्जिंग सपोर्ट मिळतो.
