Instagram Down : देशात इंस्टाग्रामचे वापरकर्ते मोठ्या प्रमाणात आहेत. हे माध्यम तरुणांमध्ये खूप प्रसिद्ध आहे. मात्र कालपासून युजर्सना मोठा धक्का बसला आहे. कारण इंस्टाग्राम डाऊन आहे. याबाबत मोठ्या प्रमाणात युजर्सनी तक्रारी केल्या आहेत.
काही युजर्सचे इन्स्टाग्राम अकाउंटही व्यवस्थित काम करत असले तरी बहुतांश युजर्सना समस्यांचा सामना करावा लागत आहे. युजर्सची ही अडचण पाहता इंस्टाग्रामनेही आपली खंत व्यक्त केली आहे.
इंस्टाग्रामने काय सांगितले?
या प्रकरणाच्या पार्श्वभूमीवर इन्स्टाग्रामने एक निवेदन जारी केले आहे. या निवेदनात कंपनीने म्हटले आहे की, ‘आम्हाला माहिती आहे की तुमच्यापैकी काहींना तुमचे इंस्टाग्राम अकाउंट ऍक्सेस करण्यात समस्या येत आहेत. आम्ही त्याची चौकशी करत आहोत. गैरसोयीबद्दल क्षमस्व.’
समस्या काय आहे?
ट्विटरच्या माध्यमातून इंस्टाग्राम डाऊन होत असल्याच्या तक्रारी लोक करत आहेत. ट्विटरवर #InstagramDown हॅश टॅग देखील ट्रेंड करत आहे. यूजर्सच्या तक्रारीनुसार, त्यांना त्यांच्या इंस्टाग्राम अकाउंटवर लॉग इन करण्यात समस्या येत आहेत. यासोबतच काही युजर्स त्यांची खाती सस्पेन्शन झाल्याच्या तक्रारीही करत आहेत.
मीडिया रिपोर्ट्सनुसार, भारत आणि इतर देशांमधील वापरकर्त्यांना लॉगिनसह सर्व्हर कनेक्शनशी संबंधित समस्यांचा सामना करावा लागत आहे.
प्रत्येकाची समस्या नाही
इंस्टाग्राम नक्कीच डाउन आहे पण याचा अर्थ असा नाही की सर्व वापरकर्ते या समस्येचा सामना करत आहेत. भारतात देखील काही वापरकर्त्यांना या समस्येचा सामना करावा लागत आहे, तर काही खाती उत्तम प्रकारे चालू आहेत. याशिवाय फेसबुक, मेसेंजर आणि व्हॉट्सअॅप यांसारखे मेटाचे इतर प्लॅटफॉर्म व्यवस्थित चालू आहेत.
व्हॉट्सअॅप डाऊन झाल्याने मोठी अडचण झाली
अलीकडे, मेटा ची इन्स्टंट मेसेजिंग सेवा व्हॉट्सअॅप भारत आणि इतर देशांमध्ये खराब झाली होती. यामुळे जगभरातील यूजर्सना मोठ्या त्रासाला सामोरे जावे लागले. जगभरात जवळपास 2 तास व्हॉट्सअॅप डाउन होते. त्यामागे सर्व्हर डाऊनची समस्या कंपनीने सांगितली होती.