OnePlus India : वनप्लसने अलीकडेच Nord मालिकेतील मिड-रेंज बजेट फोन लॉन्च केला आहे. कंपनीने या महिन्याच्या सुरुवातीला OnePlus Nord CE4 लाँच केला आहे. ज्याची विक्री काल म्हणजेच 4 एप्रिल पासून सुरु झाली आहे. OnePlus चा हा फोन 120Hz च्या रिफ्रेश रेटसह AMOLED डिस्प्लेसह येतो.
या स्मार्टफोनमध्ये 100W फास्ट चार्जिंग उपलब्ध आहे. हँडसेटमध्ये 5500mAh बॅटरी आहे. हा फोन तुम्ही Amazon वरून खरेदी करू शकता. हँडसेट 50MP ड्युअल रियर कॅमेरा सेटअपसह येतो. OnePlus Nord CE4 ची किंमत आणि वैशिष्ट्ये जाणून घेऊया…
OnePlus Nord CE4 ची किंमत
तुम्ही हा फोन Amazon India, कंपनीची अधिकृत वेबसाइट, OnePlus Store ॲप आणि इतर प्लॅटफॉर्मवरून विकत घेऊ शकता. ज्यांनी हा हँडसेट प्री-बुक केला होता त्यांना कंपनी 2199 रुपयांचा OnePlus Nord Buds 2r मोफत देत आहे.
याशिवाय कंपनी डिस्काउंटही देत आहे. 5 एप्रिल ते 30 एप्रिल दरम्यान हा फोन खरेदी करणाऱ्या ग्राहकांना ICICI बँक कार्ड, HDFC कार्ड आणि वन कार्डवर 1500 रुपयांची सूट मिळेल.
तुमच्या माहितीसाठी OnePlus Nord CE4 चा बेस व्हेरिएंट 8GB रॅम आणि 128GB स्टोरेज 24,999 रुपयांमध्ये येतो. तर त्याच्या 8GB रॅम 256GB स्टोरेज वेरिएंटची किंमत 26,999 रुपये आहे. हा हँडसेट दोन रंगांच्या पर्यायांमध्ये उपलब्ध आहे.
OnePlus Nord CE4 वैशिष्ट्य
OnePlus Nord CE4 मध्ये 6.7-इंचाचा FHD AMOLED डिस्प्ले आहे. ही स्क्रीन 120Hz रिफ्रेश रेट सपोर्टसह येते. हा फोन Qualcomm Snapdragon 7 Gen 3 प्रोसेसरवर काम करतो. यात 8GB रॅम आणि 256GB पर्यंत स्टोरेज पर्याय आहे.
स्मार्टफोनमध्ये ड्युअल रियर कॅमेरा सेटअप आहे, ज्याची मुख्य लेन्स 50MP आहे. दुसरा कॅमेरा 8MP अल्ट्रा वाइड अँगल लेन्स आहे. कंपनीने फ्रंटमध्ये 16MP सेल्फी कॅमेरा दिला आहे.
डिव्हाइसला उर्जा देण्यासाठी, 5500mAh बॅटरी प्रदान केली गेली आहे, जी 100W सुपर VOOC चार्जिंगला समर्थन देते. त्यात Android 14 आधारित ऑक्सिजन ओएस उपलब्ध आहे. यात दोन अँड्रॉइड अपडेट्स आणि तीन वर्षांची सुरक्षा अपडेट्स मिळतील.