iQOO 11 Launch Date : iQOO 11 मालिकेबाबत गेल्या अनेक दिवसांपासून माहिती समोर येत आहेत, ज्यामध्ये या मालकेत असलेल्या वैशिष्ट्यांची माहिती शेअर केली जात आहे. त्याचवेळी, आता कंपनीने लवकरच iQOO 11 मालिका लॉन्च करण्याची अधिकृत घोषणा केली आहे. iQOO ने घोषणा केली आहे की येत्या 2 डिसेंबर रोजी ही मालिका लॉन्च होईल. iQOO 11 5G मलेशियामध्ये 2 डिसेंबर रोजी लाँच होईल आणि नंतर इतर बाजारपेठेत प्रवेश करेल.

iQOO 11 5G लाँच

iQOO 11 5G फोन, 2 डिसेंबर रोजी लॉन्च केला जाणार आहे. याबद्दल अधिकृत माहिती देताना कंपनीने सांगितले आहे की, “iQOO 11 5G, 2 डिसेंबर रोजी मलेशियन मार्केटमध्ये लॉन्च केला जाईल. मलेशियानंतर इतर बाजारपेठांमध्ये ही मालिका विक्रीसाठी उपलब्ध असेल.2 डिसेंबर रोजी 5G लॉन्च इव्हेंट भारतीय वेळेनुसार दुपारी 3.30 वाजता सुरू होईल. मलेशियानंतर लवकरच iQOO 11 आणि iQOO 11 Pro भारतातही लॉन्च केला जाईल अशी अपेक्षा आहे.

iQOO 11 5G स्पेसिफिकेशन्स

iQOO 11 बद्दल बोलायचे झाल्यास, या स्मार्टफोनमध्ये मोठा 6.67-इंचाचा E6 AMOLED डिस्प्ले असेल, जो फुलएचडी पिक्सेल रिझोल्यूशनला सपोर्ट करेल आणि 144Hz रिफ्रेश रेटवर काम करेल. प्रोसेसिंगसाठी, iQOO 11 5G फोनमध्ये Qualcomm Snapdragon 8 Gen 2 चिपसेट देण्यात आला आहे. हा आतापर्यंतचा सर्वात शक्तिशाली मोबाइल चिपसेट असणार आहे. त्याच वेळी, कंपनी iQOO 11 5G ला ‘गेमिंग स्मार्टफोन्सचा राजा’ देखील म्हणत आहे.

iQOO 11 5G फोनमध्ये फोटोग्राफीसाठी ट्रिपल रिअर कॅमेरा दिसू शकतो. या कॅमेरा सेटअपमध्ये, 50MP Samsung GN5 प्राथमिक सेन्सरसह 13 मेगापिक्सेल अल्ट्रा वाइड अँगल लेन्स आणि 13 मेगापिक्सेल पोर्ट्रेट टेलीफोटो लेन्स पाहता येतील. त्याच वेळी, पॉवर बॅकअपसाठी, या स्मार्टफोनमध्ये 5,000 mAh बॅटरी देण्यात आली आहे, जी 120 W फास्ट चार्जिंग तंत्रज्ञानाने सुसज्ज असेल.

iQOO 11 Pro बद्दल सांगण्यात आले आहे की हा स्मार्टफोन Qualcomm Snapdragon 8 Gen 2 चिपसेट वर लॉन्च केला जाईल आणि मोबाईल फोन मध्ये 16 GB रॅम मेमरी दिसेल. फोनच्या सर्वात मोठ्या वेरिएंटमध्ये 512 GB इंटरनल स्टोरेज दिसू शकते. लीकनुसार, या iQOO 11 मोबाईलमध्ये 6.78-इंचाचा E6 AMOLED डिस्प्ले दिला जाईल, जो पंच होल स्टाइलवर बनवला जाईल आणि QHD पिक्सेल रिझोल्यूशनला सपोर्ट करेल.

फोटोग्राफीसाठी, IQOO 11 Pro स्मार्टफोनमध्ये ट्रिपल रियर कॅमेरा दिसू शकतो, ज्यामध्ये 50 मेगापिक्सेल अल्ट्रा वाइड अँगल लेन्स आणि 50MP Sony IMX866 प्राइमरी सेन्सरसह 14.6 मेगापिक्सेल टेलीफोटो सेन्सर देण्याची बाब लीकमध्ये उघड झाली आहे. त्याचप्रमाणे सेल्फी आणि व्हिडिओ कॉलिंगसाठी iQOO 11 Pro मध्ये 32-मेगापिक्सलचा फ्रंट कॅमेरा सेंसर दिला जाऊ शकतो.