Moong Dal Benefits : अनेक जणांच्या डाळ (Dal) ही दैनंदिन जीवनाचा एक महत्त्वाचा भाग आहे. आपल्या निरोगी आरोग्यासाठी (Healthy health) डाळ महत्त्वाची आहे, त्यामुळे डाळीचा समावेश हा आहारात असायलाच पाहिजे.

तुम्ही जर तुमच्या आहारात मूग डाळीचा (Moong Dal) समावेश केला तर तुमचे कोलेस्ट्रॉल (Cholesterol) नियंत्रणात राहतेच त्याचबरोबर पचनक्रियाही सुधारते.

आहारतज्ज्ञ डॉ. रंजना सिंह सांगतात की, डेंग्यूचा (Dengue) आजार असो किंवा सामान्य ताप असो, मूग (Moong) डाळीचे सेवन अत्यंत फायदेशीर मानले जाते. शरीराची रोगप्रतिकारक शक्ती वाढवण्यासाठी मूग डाळीचे सेवन खूप फायदेशीर आहे. मूग डाळ पोटाशी संबंधित समस्या दूर करण्यासाठी देखील उपयुक्त आहे.

मूग डाळीमध्ये पोषक तत्वे आढळतात

मूग डाळ हे अनेक पोषक तत्वांचे भांडार आहे. यामध्ये ‘अ’, ‘ब’, ‘क’ आणि ‘ई’ जीवनसत्त्वे (Vitamins) मुबलक प्रमाणात असतात. यासोबतच यामध्ये भरपूर पोटॅशियम, लोह, कॅल्शियम मॅग्नेशियम, कॉपर, फोलेट, फायबर असते, त्यामुळे मूग डाळ शरीराला अनेक आजारांपासून वाचवण्यास मदत करते.

मूग डाळ खाण्याचे फायदे

1. मूग डाळ ऊर्जा देते

मूग डाळीच्या सेवनाने ऊर्जा मिळते. मूग डाळीमध्ये लोह, पोटॅशियम, कॅल्शियम, व्हिटॅमिन बी कॉम्प्लेक्स आणि प्रोटीन असते. हे घटक शरीरातील कमजोरी दूर करतात.

2. मूग डाळ लठ्ठपणा कमी करते

मूग डाळीमध्ये कॅलरीजचे प्रमाण खूप कमी असते, ज्यामुळे वजन नियंत्रित राहण्यास मदत होते. तुम्ही ते स्प्राउट्सच्या स्वरूपात खाऊ शकता.

3. मूग डाळ पचनासाठी फायदेशीर आहे

मूग डाळ पचनक्रिया सुधारते. आरोग्य तज्ज्ञांचे म्हणणे आहे की, पचन चांगले राहण्यासाठी तुम्ही तुमच्या आहारात मूग डाळीचा समावेश करू शकता. मुगाच्या डाळीनेही पोटाची उष्णता दूर करता येते.

4. कोलेस्ट्रॉल नियंत्रित करण्यासाठी फायदेशीर

मूग डाळीचे सेवन केल्याने शरीरातील अतिरिक्त कोलेस्ट्रॉल काढून टाकण्यास मदत होते.

5. बद्धकोष्ठता आणि अपचन पासून आराम

मूग डाळ चयापचय वाढवण्यासाठी खूप उपयुक्त आहे, ज्यामुळे अॅसिडिटी, बद्धकोष्ठता आणि अपचनाची समस्या नियंत्रणात राहते.

मूग डाळ खाण्याची योग्य पद्धत

अंकुरलेली मूग डाळ सकाळी लवकर खा.