Electric Car : भारतात इलेक्ट्रिक वाहनांची क्रेझ दिवसेंदिवस वाढत आहे. त्याच वेळी, लोक इलेक्ट्रिक वाहनांमध्ये स्वस्त पर्याय शोधत आहेत. तुम्हालाही कमी किंमतीत इलेक्ट्रिक कार घ्यायची असेल तर ही बातमी तुमच्यासाठी आहे. वास्तविक, मुंबईस्थित कंपनी PMV इलेक्ट्रिक देशात आपली पहिली कार लॉन्च करणार आहे.

ही कार 16 नोव्हेंबरला सादर होणार आहे. त्याचे नाव EaS-E आहे. ही एक मायक्रो इलेक्ट्रिक कार आहे. कंपनीने या कारचे प्री-बुकिंग अधिकृतपणे सुरू केले आहे. तुमची इच्छा असल्यास, तुम्ही कंपनीच्या अधिकृत वेबसाइटवर जाऊन फक्त 2,000 रुपयांमध्ये कार बुक करू शकता.

अनेक उत्तम फीचर्स :

ही आकाराने कॉम्पॅक्ट कार असेल, ज्यामध्ये 4 दरवाजे देण्यात आले आहेत. मात्र, समोर एकच आणि मागच्या बाजूला एकच सीट असेल. यामध्ये रिमोट पार्किंग असिस्ट, रिमोट की कनेक्टिव्हिटी, टचस्क्रीन इन्फोटेनमेंट सिस्टीम, यूएसबी चार्जिंग पोर्ट आणि क्रूझ कंट्रोल यांसारखी वैशिष्ट्ये मिळतील. प्रवाशांच्या सोयीसाठी, वाहनात स्टीयरिंग माउंटेड कंट्रोल्स, डिजिटल इन्स्ट्रुमेंट क्लस्टर, रिमोट कीलेस एंट्री, पॉवर विंडो आणि रिअर व्ह्यू कॅमेरा यांसारखी वैशिष्ट्ये देखील मिळू शकतात.

कारची किंमत आणि बॅटरी क्षमता :

या कारबाबत कंपनीचे अनेक दावे आहेत. 3 किलोवॅट एसी चार्जरद्वारे बॅटरी 4 तासांत पूर्ण चार्ज होऊ शकते, असे कंपनीचे म्हणणे आहे. बॅटरीचे आयुष्य 5 ते 8 वर्षे असते. या कारच्या किमतीबद्दल बोलायचे झाले तर ती 4 ते 6 लाख रुपयांच्या दरम्यान असण्याची शक्यता आहे. ही कार आतापर्यंतची सर्वात स्वस्त कार असेल, ज्यामध्ये तुम्हाला 120, 160 आणि 200 KM ची रेंज मिळेल.