Automobile: कायनेटिक ग्रीन एनर्जी अँड पॉवर सोल्युशन्स (Kinetic green energy and power solutions) हे इलेक्ट्रिक थ्री व्हीलरसाठी (electric three wheeler) ओळखले जाते. ही कंपनी आजकाल आपल्या इलेक्ट्रिक स्कूटरमुळेही चर्चेत आहे.कंपनीने अलीकडेच नवीन हाय-स्पीड स्कूटर, Xing HSS लाँच करून इलेक्ट्रिक टू-व्हीलरच्या पोर्टफोलिओचा विस्तार केला आहे. कायनेटिक ग्रीन नवीन Xing HSS ची भारतातील 300 विशेष डीलर्सद्वारे विक्री करेल. या स्कूटरच्या माध्यमातून कंपनी तरुण पिढीला लक्ष्य करत आहे.

ही स्कूटर किती बॅटरी क्षमतेची आहे?(Battery power)

xing HSS 3.4kWh लिथियम-आयन बॅटरीद्वारे समर्थित आहे, ज्याचा कंपनीचा दावा आहे की एका चार्जवर सुमारे 120 किमीची श्रेणी देऊ शकते. ते पूर्णपणे चार्ज होण्यासाठी सुमारे तीन तास लागतील. याशिवाय, या स्कूटरमध्ये नॉर्मल, पॉवर आणि इको या तीन ड्रायव्हिंग मोडसह रीजनरेटिव्ह ब्रेकिंग सिस्टम तंत्रज्ञान देखील देण्यात आले आहे. त्यामुळे वाहनाला ब्रेक लावल्यावर निर्माण होणारी ऊर्जा बॅटरीला पाठवली जाते.

ही स्कूटर कोणत्या खास वैशिष्ट्यांनी सुसज्ज आहे?(Features)

कायनेटिक ग्रीननुसार,xing एचएसएस कमाल 60 किलोमीटर प्रति तास वेगाने धावू शकते. या इलेक्ट्रिक स्कूटरच्या वैशिष्ट्यांबद्दल सांगायचे तर, यात मल्टी-फंक्शनल स्टीयरिंग, यूएसबी पोर्ट, क्रूझ कंट्रोल, स्मार्ट रिमोटसह की आणि डिटेचेबल बॅटरी मिळते.कायनेटिक ग्रीन या स्कूटरवर तीन वर्षांची वॉरंटी देत ​​आहे. यामध्ये कोणत्याही भागामध्ये बिघाड झाल्यास इशारा देण्यासाठी इंडिकेटरची सुविधा देण्यात आली आहे.

ही स्कूटर किती किंमतीला लॉन्च झाली?(Price)

Xing HSS भारतात 60V आणि 26Ah बॅटरीसह 85,000 रुपयांच्या एक्स-शोरूम किमतीत लॉन्च करण्यात आला आहे. कायनेटिक ग्रीनने 2021 मध्ये भारतीय इलेक्ट्रिक टू-व्हीलर मार्केटमध्ये त्याच्या दोन स्कूटर मॉडेल्ससह प्रवेश केला. कंपनीने आतापर्यंत 30,000 हून अधिक स्कूटर युनिट्स आणि 50,000 हून अधिक एकूण इलेक्ट्रिक वाहने (EVs) विकल्या आहेत, ज्यात इलेक्ट्रिक रिक्षा आणि तीनचाकी वाहनांचा समावेश आहे.

ARAI प्रमाणित इलेक्ट्रिक थ्री-व्हीलर बनवणारी Kinetic Green ही भारतातील पहिली कंपनी होती. याशिवाय , कंपनीने देशात तीन चाकी वाहनांवर लिथियम-आयन बॅटरी तंत्रज्ञानाचा वापर सुरू केला आहे. तिच्या अधिकृत वेबसाइटनुसार, कंपनी सध्या चार तीनचाकी मॉडेल्स (सफर जंबो, सफार शक्ती, सफर स्मार्ट आणि सुपर डीएक्स) आणि तीन स्कूटर मॉडेल्स (झिंग, झूम आणि झिंग एचएसएस) विकत आहे.