Smartphone Under 7000: नवीन स्मार्टफोन (New smartphones) खरेदी करू इच्छिता आणि कमी बजेट आहे? अशा परिस्थितीत तुमच्याकडे काही स्वस्त पर्यायही उपलब्ध आहेत. तसे कमी किमतीच्या स्मार्टफोनमध्ये अनेक फीचर कापली जातात. जर तुम्हाला एंट्री लेव्हल स्मार्टफोन घ्यायचा असेल तर त्यासाठी तुम्हाला 5 हजार ते 7 हजार रुपये बजेट ठेवावे लागेल.

या बजेटमध्ये तुम्हाला अनेक पर्याय मिळतात. या बजेटमध्ये तुम्हाला कोणत्या ब्रँडचे स्मार्टफोन मिळतील ते जाणून घेऊया.

रेडमी 9A स्पोर्ट (Redmi 9A Sport) –
हा Redmi फोन 6,799 रुपयांच्या सुरुवातीच्या किंमतीत येतो. ही किंमत फोनच्या 2GB रॅम + 32GB स्टोरेज वेरिएंटसाठी आहे. मायक्रो एसडी कार्ड (Micro sd card) च्या मदतीने स्टोरेज वाढवता येते.

फोनमध्ये 6.53-इंचाची HD+ स्क्रीन आहे. यात 13MP रियर आणि 5MP फ्रंट कॅमेरा आहे. डिव्हाइसला पॉवर देण्यासाठी 5000mAh बॅटरी देण्यात आली आहे. हँडसेट MediaTek Helio G25 वर काम करतो.

JioPhone नेक्स्ट –
कमी बजेटमध्ये हा फोन चांगला पर्याय आहे. यामध्ये तुम्हाला केवळ फोनचाच फायदा नाही तर Jio चा आकर्षक प्लान देखील मिळतो. तुम्ही हा हँडसेट 4,599 रुपयांना खरेदी करू शकता. यात 2GB रॅम आणि 32GB स्टोरेज मिळेल. 13MP रियर कॅमेरा असेल. स्मार्टफोनमध्ये 3500mAh बॅटरी मिळेल.

नोकिया सी01 प्लस (Nokia C01 Plus) –
नोकियाच्या फोनमध्ये 5.45-इंचाचा HD+ डिस्प्ले आहे. फोनमध्ये 5MP रियर कॅमेरा आणि 2MP फ्रंट कॅमेरा आहे. डिव्हाइस Unisoc SC9863A प्रोसेसरवर काम करते. यात 3000mAh बॅटरी आहे. फोनच्या 2GB रॅम + 16GB स्टोरेज वेरिएंटची किंमत 6,299 रुपये आहे.

लावा एक्स2 (Lava X2) –
लावाचा हा फोन MediaTek Helio A25 प्रोसेसर (Processor) वर काम करतो. यात 5000mAh बॅटरी आहे. हँडसेटमध्ये 6.5-इंचाचा HD+ IPS डिस्प्ले आहे. यात 8MP ड्युअल एआय रिअर कॅमेरा आणि 5MP सेल्फी कॅमेरा आहे. फोनच्या 2GB रॅम + 32GB स्टोरेज वेरिएंटची किंमत 5,999 रुपये आहे.

Tecno Pop 5 LTE –
या Tecno फोनमध्ये 6.52-इंचाचा डॉट नॉच HD+ डिस्प्ले आहे. यात 5000mAh बॅटरी आहे. कंपनीकडे 8MP ड्युअल रियर कॅमेरा आणि 5MP सेल्फी कॅमेरा आहे. यात 2GB रॅम + 32GB स्टोरेजचा पर्याय आहे. तुम्ही हा हँडसेट 6,499 रुपयांना खरेदी करू शकता.