Weather Alert : देशातील बहुतांश राज्यांना मान्सूनच्या (Monsoon) पावसाने झोडपून काढले आहे. अजूनही मुसळधार पावसाचा (Heavy Rain) कहर सुरूच आहे. तर काही ठिकाणी नद्यांना पूर आल्यामुळे जनजीवन विस्कळीत झाले आहे. येत्या काही दिवसांत देशातील काही भागांना मुसळधार पावसाचा पुन्हा एकदा तडाखा बसणार असल्याचे हवामान खात्याने सांगितले आहे.

हवामान खात्याकडून (Department of Meteorology) मिळालेल्या माहितीनुसार, पुढील तीन ते चार दिवस मध्य, पश्चिम, पूर्व आणि दक्षिण भारतात मुसळधार पाऊस आणि मेघगर्जनेसह पाऊस पडण्याची शक्यता आहे. IMD नुसार, पुढील चार ते पाच दिवस पश्चिम हिमालयात मुसळधार पावसाचा जोर कायम राहण्याची शक्यता आहे. याबाबत प्रशासन सतर्क आहे.

पश्चिम बंगाल, सिक्कीम, आसाम, मेघालय, नागालँड, मणिपूर, त्रिपुरा आणि अरुणाचल प्रदेशात पुढील तीन ते चार दिवस मुसळधार पावसाची शक्यता हवामान खात्याने वर्तवली आहे.

त्याचबरोबर केरळच्या अनेक भागात ४ ऑगस्टपर्यंत मुसळधार पाऊस पडण्याची शक्यता आहे. यासाठी आयएमडीने ऑरेंज अलर्टही जारी केला आहे. तुम्हाला सांगतो की, मुसळधार ते अति मुसळधार पावसासाठी रेड अलर्ट (Red Alert) जारी करण्यात आला आहे.

दरम्यान, हवामान खात्याने (IMD) आजही अनेक भागात हलक्या ते मुसळधार पावसाचा इशारा दिला आहे. आजही उत्तर प्रदेश, बिहार, राजस्थान, मध्य प्रदेश, पंजाब, हरियाणा, उत्तराखंड, हिमाचल प्रदेश आणि जम्मू-काश्मीरसह अनेक ठिकाणी पावसाची शक्यता आहे.

त्याचवेळी, राजस्थानमध्ये सतत पाऊस पडत आहे, त्यामुळे जुलै महिन्यात 66 वर्षांनंतर सर्वाधिक पावसाची नोंद झाली आहे. जयपूर हवामान केंद्राच्या आकडेवारीनुसार, या वर्षी जुलै महिन्यात संपूर्ण राजस्थानमध्ये सरासरी 270 मिमी पाऊस पडला आहे, जो आतापर्यंतच्या 161.4 मिमीच्या सरासरीपेक्षा 67 टक्के जास्त आहे.

दुसरीकडे मुझफ्फराबाद, जम्मू-काश्मीर, पंजाब, हरियाणा, झारखंड, गंगा पश्चिम बंगाल, छत्तीसगड, ओडिशा, पूर्व मध्य प्रदेश, विदर्भ, मराठवाडा आणि किनारी आंध्र प्रदेशमध्ये पावसाची शक्यता आहे. राजस्थान, गुजरात, कोकण आणि गोवा, महाराष्ट्राच्या काही भागात एक किंवा दोन ठिकाणी हलक्या पावसाची शक्यता आहे.