Weather Update : लवकरच मान्सून (Monsoon) देशाच्या काही भागांत दाखल होईल, असा अंदाज आहे. हवामान विभागाच्या (IMD) मते, नैऋत्य मान्सून २३ जून ते २९ जून दरम्यान मध्य भारताच्या उर्वरित भागात आणि वायव्य भारताच्या अनेक भागात पोहोचण्याची शक्यता आहे.

हवामान खात्याचे म्हणणे आहे की नैऋत्य मान्सून २७ जूनपर्यंत दिल्लीत (Delhi) पोहोचण्याची शक्यता आहे आणि जूनच्या (june) अखेरीस चांगला पाऊस (Rain) होईल.

हवामान खात्याच्या म्हणण्यानुसार मान्सून झारखंड, बिहार आणि आग्नेय उत्तर प्रदेशच्या (Of Jharkhand, Bihar and southeastern Uttar Pradesh) काही भागाकडे सरकत आहे.

IMD नुसार, येत्या पाच दिवसांत पश्चिम पट्ट्यात मुसळधार पाऊस पडू शकतो. याशिवाय उत्तर, मध्य आणि पूर्व भारताच्या राज्यांमध्ये वादळी वाऱ्यासह मुसळधार पाऊस पडण्याची शक्यता आहे.

बिहारमधील बहुतांश जिल्ह्यांमध्ये सध्या पाऊस पडत आहे. या जिल्ह्यांमध्ये येत्या सात दिवस पावसाचा जोर कायम राहणार असल्याचे हवामान खात्याने म्हटले आहे. मात्र, वादळामुळे लोकांच्या अडचणी वाढू शकतात.

स्कायमेट हवामानानुसार, आज कोकण आणि गोवा, सिक्कीम, उप हिमालयीन पश्चिम बंगाल, किनारी कर्नाटक आणि लगतच्या भागात मुसळधार ते अति मुसळधार पावसाची शक्यता आहे.

ईशान्य भारतात पाऊस कमी होईल आणि मुसळधार पाऊस मागे पडेल अशी अपेक्षा आहे. देशाच्या उत्तरेकडील भागात आज हवामानातील काही हालचाल दिसू शकतात परंतु उद्यापासून खूप हलकी क्रिया दिसून येईल.

पुढील २४ तासांत मुंबई, दक्षिण गुजरात, पूर्व राजस्थान यासह पश्चिम आसाम, सिक्कीम, उप हिमालयीन पश्चिम बंगाल, केरळचा काही भाग, किनारी कर्नाटक, कोकण आणि गोव्यात हलका ते मध्यम पाऊस पडण्याची शक्यता आहे. तसेच दक्षिण ओडिशा, छत्तीसगड आणि मध्य प्रदेशच्या काही भागात पावसाची शक्यता आहे.