Weight Loss News : वजनवाढीमुळे (weight gain) अनेकजण त्रस्त आहेत. अशा वेळी तुम्ही तुमचे वजन कमी करू शकता. यासाठी तुम्हाला आहारात एका भाजीचा समावेश करणे गरजेचे आहे.

ही भाजी (vegetables) जगभर प्रसिद्ध आहे आणि त्यातून अनेक प्रकारचे पदार्थ तयार केले जातात, परंतु काही लोकांना ही आवडत नाही. पण जेव्हा तुम्हाला या भाजीचे अफाट फायदे (Huge benefits) माहित असतील तेव्हा तुम्ही ती न खाण्याची चूक कधीच करणार नाही.

जगभरात भोपळ्याच्या (Pumpkin) 150 हून अधिक प्रजाती आहेत. भोपळ्यामध्ये भरपूर पोषक असतात. यामध्ये फायबर, मॅग्नेशियम, लोह, जस्त (Fiber, magnesium, iron, zinc) आणि अँटिऑक्सिडंट्स भरपूर प्रमाणात असतात.

व्हिटॅमिन्स आणि मिनरल्सने भरपूर असलेला भोपळा हृदयापासून ते डोळ्यांसाठी फायदेशीर आहे.त्यामुळे शरीरातील प्रतिकारशक्ती वाढते. चला जाणून घेऊया ही भाजी खाण्याचे काय फायदे आहेत.

भोपळा रोगप्रतिकारक शक्ती मजबूत करतो

भोपळ्यामध्ये व्हिटॅमिन ए आणि व्हिटॅमिन सी असते. हे रोगप्रतिकारक शक्ती वाढवण्याचे काम करते. प्रत्येक ऋतूमध्ये ते तुम्हाला आजारांपासून सुरक्षित ठेवण्याचे काम करते. हे हानिकारक जीवाणूंना शरीरापासून दूर ठेवण्याचे काम करते.

दृष्टीसाठी फायदेशीर

भोपळ्यामध्ये व्हिटॅमिन ए आढळते जे दृष्टी वाढवते आणि त्याचे संरक्षण देखील करते. त्यामुळे मोतीबिंदूचा धोका कमी होतो.

वजन कमी करायचे असेल तर भोपळा खा

तुमचे वजन कमी होत नसेल तर भोपळ्याचा आहारात समावेश करा. त्यात भरपूर पाणी असते आणि कॅलरीज कमी असतात. त्यामुळे वजन कमी करण्यासाठी ते उपयुक्त ठरते.

तारुण्याचे रहस्य त्यात दडलेले आहे

भोपळ्यामध्ये फायबर आणि अँटीऑक्सिडंट असतात जे त्वचेची काळजी घेतात. यामध्ये झिंक, आयरन, मॅग्नेशियम आढळते, जे त्वचेच्या पेशींना नुकसान होण्यापासून वाचवते. त्यात बीटा कॅरोटीन देखील असते जे त्वचेला तरुण ठेवण्यास मदत करते. तुम्हालाही वाढत्या वयात तरुण दिसायचे असेल तर भोपळा भरपूर खा.

कोलेस्टेरॉलचे लेबल कमी करते

भोपळ्यामध्ये फायबर असते, ज्यामुळे पोट बराच वेळ भरल्यासारखे वाटते. यामुळे, ते तुम्हाला जास्त खाण्यापासून वाचवते आणि खराब कोलेस्ट्रॉल शरीरात जमा होऊ देत नाही. तसेच रक्तातील साखर वाढू देत नाही.