7th Pay Commission: केंद्र सरकारच्या (Central Govt) कर्मचाऱ्यांसाठी एक आनंदाची आणि महत्त्वाची बातमी आहे. कारण अनेक दिवसांपासून हे कर्मचारी महागाई भत्त्याची वाट पाहत आहेत.

लवकरच या कर्मचाऱ्यांच्या महागाई भत्त्यात (DA) वाढ होईल त्याचबरोबर फिटमेंट फॅक्टरमध्ये (Fitment factor) वाढ होऊ शकते.

कर्मचार्‍यांच्या महागाई भत्त्यात वाढ निश्चित आहे.

सर्वप्रथम महागाई भत्त्याची माहिती घेऊ. खरं तर, ऑल इंडिया कंझ्युमर प्राइस इंडेक्स म्हणजेच AICPI च्या आकडेवारीवरून हे स्पष्ट झाले आहे की, या वर्षीच नाही तर पुढच्या वर्षी जानेवारीतही केंद्रीय कर्मचाऱ्यांचा (Central employees) महागाई भत्ता वाढणार (DA increase) आहे.

यंदा महागाई भत्त्यात 4 टक्के वाढ होऊ शकते.

या वर्षाबद्दल बोलायचे झाले तर कर्मचाऱ्यांच्या महागाई भत्त्यात 4 टक्के वाढ निश्चित असल्याचे मानले जात आहे. मीडिया रिपोर्ट्सनुसार, 28 सप्टेंबर रोजी होणाऱ्या कॅबिनेट बैठकीत (Cabinet meetings) याला मंजुरी मिळू शकते. यानंतर, वाढीव महागाई भत्ता जुलै 2022 पासून लागू होईल.

त्याच वेळी, अखिल भारतीय ग्राहक किंमत निर्देशांकाचा जुलै डेटा म्हणजे AICPI देखील दर्शवित आहे की पुढील वर्षी देखील DA वाढेल, कारण AICPI निर्देशांकात जूनच्या तुलनेत 0.7 अंकांची वाढ झाली आहे.

फिटमेंट फॅक्टरमध्ये वाढ होण्याची अपेक्षा आहे

महागाई भत्त्याव्यतिरिक्त, केंद्र सरकार फिटमेंट फॅक्टर देखील वाढवू शकते. फिटमेंट फॅक्टर वाढल्याने कर्मचाऱ्यांच्या किमान पगारात वाढ होणार आहे. फिटमेंट फॅक्टर वाढवण्याची मागणी कर्मचारी अनेक दिवसांपासून करत आहेत.

सध्या तो 2.57 टक्के आहे, तो वाढवून 3.68 टक्के करण्याची त्यांची मागणी आहे. या वाढीमुळे कर्मचाऱ्यांचे किमान वेतन 18 हजारांवरून 26 हजार रुपये होणार आहे.

दिवाळीपर्यंत वाढ होण्याची शक्यता 

दिवाळी (Diwali) किंवा दसऱ्यापूर्वी फिटमेंट फॅक्टर वाढू शकतो, असा दावा मीडिया रिपोर्टमधून केला जात आहे. सर्व कर्मचार्‍यांचे मूळ वेतन फिटमेंट फॅक्टरद्वारे ठरवले जाते. कर्मचाऱ्यांना मिळणाऱ्या पगारात फिटमेंट फॅक्टरचा मोठा वाटा असतो.