XUV400 Vs Nexon EV :  महिंद्राने (Mahindra) नुकतीच आपली EV XUV 400 भारतीय बाजारपेठेत सादर केली आहे. कंपनी पुढील वर्षाच्या सुरुवातीला ही EV लाँच करू शकते.

त्यानंतर ही ईव्ही टाटाच्या नेक्सॉनला (Tata’s Nexon) मोठे आव्हान देईल. तुम्‍ही स्‍वत:साठी नवीन EV खरेदी करण्‍याचा विचार करत असाल तर या दोन कारपैकी कोणती कार तुमच्यासाठी चांगली असेल ते जाणून घ्या.

EVs ची रेंज

XUV 400 EV ही महिंद्राने सादर केली आहे आणि कंपनीनुसार ही EV एका चार्जमध्ये 456 किमी पर्यंत धावू शकते तर Nexon EV एका चार्जमध्ये 437 किमी पर्यंत जाऊ शकते.

XUV 400 आणि Nexon EV ची फीचर्स

दोन्ही ईव्हीच्या फीचर्सबद्दल बोलायचे झाल्यास, नेक्सॉनमध्ये अॅड्रेनॉक्स टचस्क्रीन इन्फोटेनमेंट सिस्टम देण्यात आली आहे. दुसरीकडे, XUV 400 ला 17.78 सेमीची टचस्क्रीन सिस्टिम मिळते जी Android Auto आणि Apple कार प्ले ला सपोर्ट करते.

याशिवाय, ब्लू सेन्स प्लस मोबाइल अॅप XUV 400 मध्ये देखील समर्थित आहे, ज्यामुळे तुमची कार फक्त एका स्पर्शाच्या अंतरावर असेल. XUV 400 ला 378 लीटर बूट स्पेस मिळते तर Nexon ला फक्त 350 लीटर बूट स्पेस मिळते.

सुरक्षा कशी आहे

XUV 400 मध्ये सुरक्षिततेला प्राधान्य देण्यात आले आहे. कारमध्ये सहा एअरबॅग देण्यात आल्या आहेत, जे या रेंजमधील सर्वाधिक आहे. याशिवाय XUV 400 मध्ये चार डिस्क ब्रेक, रियर व्ह्यू कॅमेरा यांसारखी फीचर्स आहेत. Nexon EV मध्ये फक्त ड्युअल एअरबॅग उपलब्ध आहेत.

याशिवाय एबीएस, ईबीडी, ब्रेक असिस्ट, आयसोफिक्स चाइल्ड सीट अँकर, ऑटो व्हेईकल होल्ड यांसारखे फिचर्स नेक्सॉनमध्ये उपलब्ध आहेत.

बॅटरी 

XUV 400 मध्ये 39.4 kWh बॅटरी आहे जी 150 bhp आणि 310 Nm टॉर्क निर्माण करते. XUV400 इलेक्ट्रिक SUV 8.3 सेकंदात 0 ते 100 kmph चा वेग वाढवू शकते. Tata च्या Nexon EV Max मध्ये 40.5 kWh बॅटरी आहे जी 129 PS आणि 250 Nm टॉर्क निर्माण करते.

किंमत किती आहे

Tata Nexon Max ची सुरुवातीची एक्स-शोरूम किंमत 17.74 लाख रुपये आहे, तर XUV400 च्या किंमतीची माहिती कंपनीने दिलेली नाही. पण त्याची एक्स-शोरूम किंमत 15 लाख रुपये असू शकते.