Ahmednagar NewsAhmednagar SouthBreaking

टेम्पोच्या धडकेत दुचाकीस्वाराचा मृत्यू.

अहमदनगर :- निंबळककडून सनफार्मा चौकाकडे येणाऱ्या मोटारसायकलला समोरुन वेगात येणाऱ्या टेम्पोने जोरात धडक दिली. या धडकेत मोटारसायकलस्वार राजेंद्र लक्ष्मण निकम (वय ३५, रा.विळद) याचा जागीच मृत्यू झाला.

ही घटना मनमाड रोडवरील दादा पाटील पेट्रोल पंपासमोर, सनफार्मा चौक, निंबळक रोड येथे मंगळवारी दि.२२ सायंकाळी ७.३० वाजण्याच्या सुमारास घडली.

याबाबतची अधिक माहिती अशी की, राजेंद्र लक्ष्मण निकम हे त्यांच्या लहान मुलीस मोटारसायकल पाठीमागे बसवून निंबळक बाजूकडून सनफार्मा चौकाकडे येत असताना दादा पाटील पेट्रोल पंपासमोर आले असता समोरुन वेगात येणाऱ्या आयशर टेम्पो (क्रमांक एमएच १७, ए.जी. ६७३०) ने त्यांना जोरात धडक दिली.

धडक इतकी जोरात होती की, राजेंद्र निकम यांचा जागीच मृत्यू झाला. त्यांच्यामागे बसलेली त्यांची मुलगीही जखमी झाली. अपघात होताच टेम्पोचालक टेम्पो घटनास्थळी सोडून पसार झाला. 

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button