अहमदनगर :- कुटुंबातील मी थोरला मुलगा असूनही वडील, ज्येष्ठ नेते बाळासाहेब विखे यांना अग्नी देऊ दिला नाही, असा आरोप राधाकृष्ण विखे यांचे ज्येष्ठ बंधू अशोक विखे यांनी मंगळवारी केला.
राष्ट्रवादीचे उमेदवार संग्राम जगताप यांच्या प्रचारार्थ झालेल्या सभेत विखे बोलत होते. नगर लोकसभेची जागा काँग्रेसला सोडली नाही, याबद्दलही त्यांनी शरद पवार यांचे आभार मानले.
मोठ्या भावालाही ज्यांनी सोडले नाही, ते लोकांना काय सोडणार? असा सवालही विखे यांनी केला. शरद पवार हे व्यासपीठावर असतानाच विखे यांनी राधाकृष्ण विखे यांच्यावर आरोप केले हे विशेष.
अहमदनगर लोकसभा मतदारसंघात राधाकृष्ण विखे यांचे चिरंजीव डॉ. सुजय विखे हे निवडणूक लढवत आहेत. त्यांचे काका अशोक विखे यांना राष्ट्रवादीने व्यासपीठावर बोलावून एकच खळबळ उडवून दिली.
- विवाहितेने केली आत्महत्या, पैसे आणण्याच्या कारणावरून छळ आणि शेवटी पहा काय झाले !
- कोरोनाग्रस्ताचे बिल भरण्यासाठी त्यांनी केली लोकवर्गणी
- महापौर व आमदार यांनीच कोण खरं व कोण खोटं बोलतंय, याचा खुलासा करावा…
- मनोज कोतकर यांचे नगरसेवक पद रद्द होणार ?
- आमदार रोहित पवार म्हणतात या प्रश्नी मी युवकांचा आवाज बनेल
